មិនមែនសៀមរាប ឬមណ្ឌលគិរីទេ ដែលមានភ្ញៀវទៅលេងច្រើនជាងគេ កាលពីម្សិលមិញ!
- 2020-08-18 02:25:20
- ចំនួនមតិ 0 | ចំនួនចែករំលែក 0
មិនមែនសៀមរាប ឬមណ្ឌលគិរីទេ ដែលមានភ្ញៀវទៅលេងច្រើនជាងគេ កាលពីម្សិលមិញ!
ចន្លោះមិនឃើញ
នៅថ្ងៃទី១៧ ខែសីហា ឆ្នាំ២០២០ម្សិលមិញនេះ ដែលត្រូវជាថ្ងៃដំបូងនៃការសងថ្ងៃឈប់សម្រាកបុណ្យចូលឆ្នាំខ្មែរ មានភ្ញៀវទេសចរ ដើរកម្សាន្តនៅទូទាំងប្រទេស ប្រមាណ ២៣៣ ៣២៩នាក់។ ក្នុងនោះខេត្តកំពតទទួលបានភ្ញៀវច្រើនជាងគេ។ សូមមើលខាងក្រោម៖
-ខេត្តកំពត ៣០ ៨០៤នាក់
-ខេត្តសៀមរាប ២៨ ១៤០នាក់
-ខេត្តកែប ១៨ ៥៥៧នាក់
-ខេត្តព្រះសីហនុ ១៨ ៦០៤នាក់
-ខេត្តបាត់ដំបង ១៤ ៦២៧នាក់
-រាជធានីភ្នំពេញ ១៤ ២៥៤នាក់
-ខេត្តព្រះវិហារ ១០ ៤៧០នាក់
-ខេត្តមណ្ឌលគិរី ៨ ៨២៨នាក់
-ខេត្តរតនគិរី ៨ ២០៨នាក់។
រាជធានី និងខេត្តមួយចំនួនមានការរៀបចំអភិវឌ្ឍជាផលិតផលទេសចរណ៍ថ្មីៗ ដើម្បីទាក់ទាញភ្ញៀវទេសចរ ដូចជាសួនទឹកកម្សាន្ត (Garden City) នៅរាជធានីភ្នំពេញ រមណីយដ្ឋានព្រីនមាន័រ (Prince Manor) នៅស្រុកកៀនស្វាយ ខេត្តកណ្ដាល ផ្ទះផ្កា នៅខេត្តបាត់ដំបង បឹងលំកុដ នៅខេត្តរតនគិរី រមណីយដ្ឋានកែច្នៃសមុទ្រឈើ នៅខេត្តមណ្ឌលគិរី រមណីយដ្ឋានទេសចរណ៍ថ្មីៗនៅកោះរ៉ុង និងគោលដៅថ្មីផ្សេងទៀត។
ដោយឡែក ការកើនឡើងភ្ញៀវទេសចរទៅកាន់ខេត្តសៀមរាប ក៏បានធ្វើឲ្យមគ្គុទ្ទេសក៍ទេសចរណ៍មានការងារវិញខ្លះ ទាំងមគ្គុទ្ទេសក៍សម្រាប់ភ្ញៀវទេសចរបរទេសផ្ទៃក្នុង និងមគ្គុទ្ទេសក៍សម្រាប់ភ្ញៀវក្នុងស្រុក៕
ប្រភព៖ ក្រសួងទេសចរណ៍