រឿងរ៉ាវខ្លះៗពីក្រោយ Messi ចង់ចាកចេញពី Barça មិនចាំបាច់មានតម្លៃខ្លួនអ្វីទាំងអស់

2020-08-26 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប៉ុន្មានថ្ងៃនេះ រឿងរ៉ាវ Lionel Messi កំពុងទទួលបានការចាប់អារម្មណ៍ខ្លាំង ដោយហេតុថា បុគ្គលផ្ទាល់បានជូនដំណឹងទៅថ្នាក់ដឹកនាំក្លឹប FC Barcelona ចង់ចាកចេញ។

យោងតាមសារព័ត៌មានអេស្ប៉ាញធំៗបានចុះផ្សាយថា ម្ចាស់ពាន Ballon'dor ៦ សម័យរូបនេះ អន់ចិត្តជាខ្លាំង ក្រោយបានដឹងគម្រោង (Project) សម្រាប់ឆ្នាំថ្មីរបស់ Barça លែងត្រូវការខ្សែប្រយុទ្ធ Luiz Suárez ជាមិត្តភក្តិជិតស្និទ្ធម្នាក់របស់គេ។ ទង្វើនេះគឺហាក់ដូចជា គ្មានការគោរពបន្តិចសោះ ដល់បុគ្គលដែលរួមរស់ជាមួយក្លឹបច្រើនឆ្នាំនិងជួយឲ្យឈ្នះពានជាច្រើន។

ជាមួយគ្នានោះ Messi ខ្លួនឯងក៏ មិនសប្បាយចិត្តនឹងថ្នាក់ដឹកនាំក្លឹប (មានលោកJosep Bartomeu ជាប្រធានក្លឹបកំពុងកាន់កាប់)។ Messi ឲ្យភាគីក្លឹប បញ្ចប់កិច្ចសន្យារបស់គេភ្លាមៗ ដើម្បីចាកចេញទៅដោយមិនមានតម្លៃខ្លួន បើទោះជាកុងត្រារបស់គេនៅសល់១ឆ្នាំទៀតក៏ដោយ។

ប្រភពច្បាស់ការមួយបានទម្លាយថា រឿងនេះភាគីក្លឹប (លោកJosep Bartomeu) មិនអាចឃាត់បានឡើយ តែមិនចង់ឲ្យចាកចេញ Free ដោយគំនិតថ្នាក់ដឹកនាំគិតថា ក្លឹបហោចណាស់ក៏ត្រូវតែមានតម្លៃផ្ដាច់កុងត្រា ក្រោម ៧០០ លានអឺរ៉ូដែរសម្រាប់ម្ចាស់ពានស្បែកមាស ៦សម័យរូបនេះ។

រូបភាព៖ facebook/

សម្រាប់ប្រធានក្រុម Messi អាចធ្វើរឿងនេះបាន ដោយសារតែក្នុងលិខិតកុងត្រាពិសេសរបស់គេ បើសាមីខ្លួនមិនចង់នៅបន្ដទេ នៅពេលចប់រដូវកាលណាមួយ គេអាចផ្ដាច់កុងត្រាភ្លាមៗ។

ក្លឹបជាច្រើនមានដូចជា Manchester City និង Inter Milan ជាបេក្ខភាពខ្ពស់ជាងគេមួយ ដែលអាចនឹងផ្ទេរយកខ្សែប្រយុទ្ធរូបនេះ ។ មកទល់ពេលនេះ គ្រប់យ៉ាងការផ្ទេរមិនទាន់ផ្លូវការទេ រង់ចាំមើលស្ថានភាពបន្តិចសិន ថាតើការផ្ទេរពិតជាកើតឡើងមែនដែរឬទេ? ប្រភព៖ BBC Sport

រូបភាព៖ GettyImage

អត្ថបទ៖ រក្សា