ផែនទីព្រំដែនកម្ពុជា-វៀតណាម ខ្នាត ១/២៥០០០ ដល់ដៃក្រសួង ស្ថាប័ន ចំនួន៣៥ របស់កម្ពុជា
- 2020-08-27 05:22:34
- ចំនួនមតិ 0 | ចំនួនចែករំលែក 0
ផែនទីព្រំដែនកម្ពុជា-វៀតណាម ខ្នាត ១/២៥០០០ ដល់ដៃក្រសួង ស្ថាប័ន ចំនួន៣៥ របស់កម្ពុជា
ចន្លោះមិនឃើញ
សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិបានប្រគល់ផែនទីព្រំដែនកម្ពុជា-វៀតណាម ខ្នាត ១/២៥០០០ជូនដល់ក្រសួង ស្ថាប័ន និងអង្គភាព ចំនួន៣៥ ដើម្បីយកទៅប្រើប្រាស់។
ការរៀបចំប្រគល់ទទួលផែនទីនេះ បានធ្វើឡើងបន្ទាប់ពី សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងឯកឧត្តម ង្វៀន សួនហ្វ៊ុក នាយករដ្ឋមន្ត្រីវៀតណាម បានចុះហត្ថលេខាទទួលស្គាល់បង្គោលព្រំដែនប្រទេសទាំងពីរដែលសម្រេចបានចំនួន ៨៤ភាគរយ កាលពីថ្ងៃទី០៥ ខែតុលា ឆ្នាំ២០១៩ កន្លងទៅ៕
សូមបញ្ជាក់ថា ផែនទីឋានលេខាព្រំដែនគោក ខ្នាត ១/២៥០០០ ត្រូវបាន កម្ពុជា- វៀតណាម រៀបចំពិធីពិធីប្រគល់ និងទទួល កាលពីថ្ងៃទី០១ ខែសីហា ឆ្នាំ២០២០ នៅច្រកទ្វារព្រំដែនអន្តរជាតិម៉ុកបាយ ខេត្តតៃនិញ វៀតណាម ដែលគណៈប្រតិភូកម្ពុជាដឹកនាំដោយ លោក វ៉ា គឹមហុង និងគណៈប្រតិភូវៀតណាមដឹកនាំដោយ លោក ឡេ ហួយទ្រុង អនុរដ្ឋមន្រ្តី នៃក្រសួងការបរទេស និងជាប្រធានគណៈកម្មការចម្រុះខណ្ឌសីមា និងបោះបង្គោលព្រំដែនគោកវៀតណាម។