អាចស្លាប់ បើហ៊ានបន្តទម្លាប់អាក្រក់ទាំង៧នេះនៅពេលងូតទឹក!
- 2020-09-04 08:51:44
- ចំនួនមតិ 0 | ចំនួនចែករំលែក 0
អាចស្លាប់ បើហ៊ានបន្តទម្លាប់អាក្រក់ទាំង៧នេះនៅពេលងូតទឹក!
ចន្លោះមិនឃើញ
ការងូតទឹកសម្អាតខ្លួនគឺជារឿងល្អ ហើយវាជាការចាំបាច់ដែលមនុស្សគ្រប់រូបរមែងធ្វើជាប្រចាំថ្ងៃ។ យ៉ាងណាមិញ អ្នកប្រហែលមិនបានដឹងទេថា មានចំណុចមិនល្អមួយចំនួនដែលអ្នកគួរបញ្ឈប់ នៅក្នុងទម្លាប់ងូតទឹកប្រចាំថ្ងៃ បើមិនដូច្នោះទេវានឹងអាចបង្កជាបញ្ហាធ្ងន់ធ្ងរចំពោះសុខភាព ហើយក្នុងករណីខ្លះអាចឈានដល់ការស្លាប់ដោយប្រយោលក៏ថាបាន។ ទម្លាប់អវិជ្ជមានទាំងនោះ មានដូចខាងក្រោម៖
១. ងូតទឹកនៅពេលយប់ជ្រៅពេក
មនុស្សមួយចំនួនចូលចិត្តងូតទឹកនៅពេលយប់ជ្រៅ។ បើតាមទស្សនាវដ្ដី Time បានឲ្យដឹងថា ទម្លាប់ងូតទឹកក្រោយម៉ោង១០យប់ពិតជាមានគ្រោះថ្នាក់ខ្លាំងណាស់។ អ្នកដែលមានប្រព័ន្ធការពារខ្សោយងាយប្រឈមនឹងជំងឺគ្រុនផ្ដាសាយ និងជំងឺរលាកសួត។ បន្ថែមពីនេះ មានករណីខ្លះទៀតគឺអាចបណ្ដាលឲ្យឈឺក្បាល សួតងាយឆ្លងរោគ និងដាច់សរសៃឈាមខួរក្បាល។
២. ទុកសក់ឲ្យនៅសើម
ទម្លាប់ដែលទុកសក់សើមឲ្យស្ងួតតាមធម្មជាតិដោយមិនសម្ងួតនៅពេលចូលទៅគេងគឺជារឿងគ្រោះថ្នាក់មួយ។ កត្តានេះអាចបង្កឲ្យកើតជំងឺផ្ដាសាយ ការឆ្លងមេរោគផ្សិត សក់បែកចុង និងជំងឺឈឺក្បាលរ៉ាំរ៉ៃ។
៣. មិនសម្អាតប្រអប់ជើង
ប្រអប់ជើងគឺជាផ្នែកនៃរាងកាយមនុស្សដែលឧស្សាហ៍ប៉ះផ្ទាល់នឹងដីជាងគេ។ ហេតុដូច្នេះបើកាលណាងូតទឹកហើយមិនសម្អាតវា នោះអ្នកនឹងមានហានិភ័យនៃការឆ្លងមេរោគផ្សិត និងពពួកបាក់តេរី។
៤. ងូតទឹកច្រើនដងពេកនៅក្នុង១ថ្ងៃ
ការធ្វើរបៀបនេះ នឹងធ្វើឲ្យស្បែកអ្នកគ្រើម និងស្ងួតគ្មានសំណើម ព្រោះជាតិប្រេងធម្មជាតិ និងសំណើមរបស់ស្បែកត្រូវបានលុបបំបាត់ចោលនៅរាល់ពេលងូតទឹកម្ដងៗ។
៥. ប្រឹងដុសស្បែកខ្លាំងៗ
ការត្រដុសស្បែកដោយប្រើកម្លាំងខ្លាំងពេក នឹងធ្វើឲ្យស្បែកស្ងួត ហើយឆាប់រលាក។
៦. មិនសូវប្ដូរកន្សែងជូតខ្លួន
កន្សែងឬក្រមាជូតខ្លួន គឺជាកន្លែងផ្ទុកនូវបាក់តេរី មេរោគផ្សិត និងវីរុស។ ហេតុនេះហើយគួរមានទម្លាប់សម្អាតវាឲ្យបានញឹកញាប់តាមដែលអាចទៅរួច។
៧. ហាត់ប្រាណហើយអត់ងូតទឹក
គប្បីមានទម្លាប់ងូតទឹក ក្រោយពេលអ្នកហាត់ប្រាណរួច ព្រោះញើសអាចដក់ជាប់ខ្លួន និងខោអាវបណ្ដាលឲ្យកើ់តមានមេរោគ រលាកឬសសក់ និងកើតមុន ជាដើម៕