Wolve ត្រៀមឈុតប្រជែង Premier League ពីលើដល់ក្រោម សុទ្ធតែជាកីឡាករ ព័រទុយហ្គាល់

2020-09-07 06:36:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹប Wolves នៅលីគកំពូលអង់គ្លេស ត្រូវបានសារព័ត៌មាននានាចុះផ្សាយថាបាន ចុះកុងត្រាកីឡាករ២រូបត្រឹមតែរយៈពេល ២ថ្ងៃខណៈដែល ទីផ្សារដោះដូរកីឡាករ មិនទាន់បិទនៅឡើយ។

២នាក់នោះគឺ ខ្សែប្រយុទ្ធវ័យ១៨ឆ្នាំ Fabio Silva ផ្ទេរពីក្លឹប Porto ក្នុងតម្លៃខ្លួន ៣៥ លានផោន ជាប់ជាកំណត់ត្រាផ្ទេរខ្ពស់ជាងគេបំផុតរបស់ក្លឹប និងម្នាក់ទៀតគឺខ្សែការពារ Fernando Marcal វ័យ ៣១ឆ្នាំ ពីក្លឹប Lyon ។ Wolverhampton Wanderers ក្លាយជាក្លឹបមួយ ដែលមានកីឡាករព័រទុយហ្គាល់ច្រើនជាងគេបំផុត ពោលគឺ ១៦ នាក់ក្នុងឈុតធំជាឈុតប្រជែងពាន Premier League ដែលចំនួននេះ រាប់តាំងពី កីឡាករ និងលោក Nuno Espírito Santo គ្រូបង្វឹកផ្ទាល់។

Fabio Silva ខ្សែប្រយុទ្ធព័រទុយហ្គាល់វ័យ១៨ឆ្នាំ

អ្វីដែលគួរឲ្យចាប់អារម្មណ៍ ស្ទើរពាក់កណ្ដាលនៃជម្រើស ១១ នាក់គឺសុទ្ធតែជា កីឡាករជម្រើសជាតិព័រទុយហ្គាល់ មានដូចជា កីឡាករ Rui Patricio, Joao Moutinho, Ruben Neves, Diogo Jota, Ruben Vinagre, Pedro Neto និង Burno Jordao ។ ពួកគេបានជួយឲ្យក្លឹបឈរនៅលេខ ៧ ក្នុងលីគ និងបានឡើងដល់វគ្គ ៨ក្រុមចុងក្រោយពានអ៉ឺរ៉ុបលំដាប់ទី២ Europa League រដូវកាល ២០១៩-២០២០ ៕