មន្ត្រីឧទ្យានុរក្ស ចាប់បានសាច់សត្វទន្សោង ៧៦គីឡូ នៅដែនជម្រកសត្វព្រៃលំផាត់
- 2020-09-07 09:08:37
- ចំនួនមតិ 0 | ចំនួនចែករំលែក 0
មន្ត្រីឧទ្យានុរក្ស ចាប់បានសាច់សត្វទន្សោង ៧៦គីឡូ នៅដែនជម្រកសត្វព្រៃលំផាត់
ចន្លោះមិនឃើញ
មន្ត្រីឧទ្យានុរក្សប្រចាំស្នាក់ការអូររវាក់ បានចុះល្បាតនៅតំបន់ស្នូលនៃដែនជម្រកសត្វព្រៃលំផាត់-មណ្ឌលគីរី និងបានបង្រ្កាបបទល្មើសបរបាញ់សត្វព្រៃមួយករណីដែលប្រព្រិត្តដោយជនល្មើសបីនាក់ រួមជាមួយសាច់សត្វព្រៃក្រៀមចំនួន ៧៦គីឡូក្រាម (សាច់សត្វទន្សោង) និងក្បាលសត្វទន្សោងមួយ។ ក្នុងនោះចាប់បានជនល្មើសចំនួន ១នាក់ (ជនល្មើស២នាក់ទៀតរត់រួច) និងដកហូតបានម៉ូតូបានចំនួន ២គ្រឿង។ ការបង្រ្កាបនេះធ្វើឡើងកាលពីថ្ងៃទី០៥ ខែកញ្ញា ឆ្នាំ២០២០។
ជនល្មើសដែលចាប់បាន ត្រូវបញ្ចូនមកមន្ទីរបរិស្ថានខេត្តមណ្ឌលគីរី និងចាត់ការតាមនិតិវិធីច្បាប់។
សូមជម្រាបជូនថា សត្វទន្សោងគីជាប្រភេទជិតផុតពូជ ចំនួនប្រជាសាសន៍របស់សត្វនេះមានការថយចុះគួរឲ្យកត់សំគាល់ ដោយឡែកខ្ពង់រាបភាគខាងកើតជាទីមជ្រកដ៍សំខាន់ដែលគាំទ្រដល់ការរស់នៅរបស់សត្វទន្សោង។ ក្នុងរយៈពេលប៉ុន្មានខែចុងក្រោយនេះ ទន្សោងជាច្រើនក្បាលត្រូវបានរងគ្រោះដោយការបរបាញ់និងការដាក់អន្ទាក់៕
ប្រភព៖ អង្គការ BirdLife