ជប៉ុន ចាប់ផ្តើមគម្រោងស្រាវជ្រាវផលិតថ្នាំព្យាបាលមហារីក ជាមួយប្រទេសអាស៊ាន ៥

2020-09-09 02:01:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជប៉ុន បានចាប់ផ្តើមគម្រោងមួយដែលសហការជាមួយប្រទេសអាស៊ានចំនួន៥រួមមាន ម៉ាឡេស៊ី វៀតណាម ថៃ ឥណ្ឌូណេស៊ី និងហ្វីលីពីន ដើម្បីអភិវឌ្ឍឱសថព្យាបាលជំងឺមហារីក និងថ្នាំព្យាបាលជំងឺថ្មីៗផ្សេងទៀត ដើម្បីបង្កើនប្រសិទ្ធភាពនៃការព្យាបាលដល់អ្នកជំងឺ។ នេះបើតាមការប្រកាសរបស់មជ្ឈមណ្ឌលជំងឺមហារីកនៃប្រទេសជប៉ុន កាលពីថ្ងៃទី៨ ខែកញ្ញា ឆ្នាំ២០២០។

គម្រោងនេះ មានទិសដៅអភិវឌ្ឍវិធីព្យាបាលប្រភេទជំងឺមហារីកប្លែកៗដែលកម្រ ព្រមទាំងផ្តល់ឱកាសសម្រាប់ប្រជាជនដែលរស់នៅក្រៅប្រទេសជប៉ុន អាចទទួលបានការព្យាបាលបែបទំនើបនេះ។

មជ្ឈមណ្ឌលនេះ បានលើកឡើងថា ប្រទេសក្នុងតំបន់អាស៊ាន គឺខ្វះនូវប្រព័ន្ធវេជ្ជសាស្រ្ត ក្នុងការដោះស្រាយបញ្ហាជំងឺមហារីក ដែលកំពុងមានអ្នកជំងឺកើនឡើងច្រើន។ ជាមួយគ្នានេះ អ្នកជំនាញជប៉ុន នឹងចូលរួមចែករំលែកពីការព្យាបាលជំងឺមហារីក តាមរយៈកម្មវិធីសិក្សា និងការបណ្តុះបណ្តាលនានា។

មជ្ឈមណ្ឌលជំងឺមហារីកនៃប្រទេសជប៉ុន កំពុងពិចារណាបង្កើតប្រព័ន្ធទិន្នន័យមួយសម្រាប់ជំងឺមហារីកប្លែកថ្មីៗផងដែរ។

លោក Kenichi Nakamura ប្រធានផ្នែកស្រាវជ្រាវមួយរូបនៃមជ្ឈមណ្ឌលនេះ បាននិយាយថា៖ «យើងចង់បង្កើតនូវគម្រោងអភិវឌ្ឍន៍មួយសម្រាប់ឱសថ និងការព្យាបាលជំងឺមហារីក នៅតំបន់អាស៊ី ដើម្បីដើរឱ្យទាន់អឺរ៉ុប និងសហរដ្ឋអាមេរិក»៕

ប្រភព៖ Bangkokpost