សម្តេច ហ៊ុន សែន បង្ហោះសារ ក្រោយកម្ពុជា មានអ្នកជាសះស្បើយពីកូវីដ១៩ អស់ហើយ
- 2020-09-11 03:30:56
- ចំនួនមតិ 0 | ចំនួនចែករំលែក 0
សម្តេច ហ៊ុន សែន បង្ហោះសារ ក្រោយកម្ពុជា មានអ្នកជាសះស្បើយពីកូវីដ១៩ អស់ហើយ
ចន្លោះមិនឃើញ
សម្តេច ហ៊ុន សែន នៅព្រឹកនេះបានលើកឡើងថា កម្ពុជា ដែលមានករណីជាសះស្បើយពីជំងឺកូវីដ១៩ ទាំងអស់ចំនួន ២៧៤នាក់នោះ គឺជាដំណឹងដ៏រីករាយបំផុតសម្រាប់កម្ពុជា។
សម្តេចបានបង្ហោះសារលើទំព័រហ្វេសប៊ុកដូច្នេះថា៖ «ខ្ញុំសូមចូលរួមរីករាយជាមួយដំណឹងពីក្រសួងសុខាភិបាលដែលបានបញ្ជាក់ថា នៅក្នុងដំណាក់កាលទី២នៃការឆ្លងរាលដាលជំងឺកូវីដ-១៩ ដែលមានអ្នកជំងឺ ២៧៤ នាក់ គឺមកដល់យប់មិញនេះអ្នកជំងឺទី ២៧៤ ដែលជាអ្នកជំងឺកូវីដ-១៩ចុងក្រោយ បានព្យាបាលជាសះស្បើយហើយ។ នេះជាដំណឹងដ៏រីករាយបំផុតសម្រាប់កម្ពុជាយើង»។
ទោះជាយ៉ាងណា សម្តេចតេជោក៏នៅតែអំពាវនាវឱ្យប្រជាពលរដ្ឋបន្តចូលរួមថែរក្សាសុខភាពអនាម័យអោយបានល្អ កុំអោយឆ្លងកូវីដ-១៩អោយសោះ។ សូមឧស្សាហ៍ដុសលាងសម្អាតដៃជាមួយសាប៊ូ ចឹល ទឹកអាល់កុល ហើយពាក់ម៉ាសនៅកន្លែងចាំបាច់ ដូជានៅកន្លែងទីប្រជុំជនដែលមានមនុស្សច្រើនអ៊ូអរដូចជាក្នុងពិធីបុណ្យនៅតាមវត្តអារាមជាដើម៕