កម្ពុជា បកស្រាយពីការវិនិយោគរបស់ក្រុមហ៊ុនចិននៅខេត្តកោះកុង ក្រោយត្រូវអាមេរិកដាក់ទណ្ឌកម្ម
- 2020-09-21 02:28:58
- ចំនួនមតិ 0 | ចំនួនចែករំលែក 0
កម្ពុជា បកស្រាយពីការវិនិយោគរបស់ក្រុមហ៊ុនចិននៅខេត្តកោះកុង ក្រោយត្រូវអាមេរិកដាក់ទណ្ឌកម្ម
ចន្លោះមិនឃើញ
បន្ទាប់ពីក្រសួងរតនាគារអាមេរិក បានសម្រេចចិត្តដាក់ទណ្ឌកម្មលើក្រុមហ៊ុន យូញៀន ឌីវេឡុបមេនគ្រុប ខូ អិលធីធី (UDG) ដែលជាក្រុមហ៊ុនវិនិយោគអភិវឌ្ឍន៍រមណីយដ្ឋានទេសចរណ៍នៅស្រុកបុទុមសាគរ និងស្រុកគីរីសាគរ ខេត្តកោះកុង ក្រុមប្រឹក្សាអភិវឌ្ឍន៍កម្ពុជា (CDC) បានចេញសេចក្តីថ្លែងការណ៍ ដើម្បីបកស្រាយចំពោះការវិនិយោគរបស់ក្រុមហ៊ុននេះ។
CDC បញ្ជាក់ថា ក្រុមហ៊ុន UDG ជាក្រុមហ៊ុនឯកជនសុទ្ធសាធ នៅក្រុងធានជីង ប្រទេសចិន ដែលមានជំនាញលើផ្នែកវិនិយោគអចលនទ្រព្យ ពោលគឺពុំមែនជាក្រុមហ៊ុនរបស់រដ្ឋាភិបាលចិននោះទេ។
CDC បន្តថា ដីលើសពី ១ម៉ឺនហិចតា សម្រាប់ជាទីតាំងវិនិយោគរបស់ក្រុមហ៊ុន UDG នោះគឺពុំមែនជាដីសម្បទានសេដ្ឋកិច្ចឡើយ តែនេះជាការជួលទីតាំង ដែលពុំមានច្បាប់កំណត់ពីទំហំអតិបរមាឡើយ។
ចំពោះក្រសួងរតនាគារអាមេរិក ដែលចោទប្រកាន់ថា ក្រុមហ៊ុន UDG បានបង្ខំឱ្យប្រជាពលរដ្ឋចាកចេញពីដីរបស់ខ្លួន និងថាគម្រោងអភិវឌ្ឍន៍នេះ បានបំផ្លាញបរិស្ថាន ហើយថែមទាំងថាយកទីតាំងវិនិយោគនេះ ធ្វើជាមូលដ្ឋានយោធានោះ គឺសុទ្ធតែត្រូវបានក្រុមប្រឹក្សាអភិវឌ្ឍន៍កម្ពុជា ច្រានចោលទាំងអស់៕
សូមអានលម្អិតក្នុងសេចក្តីថ្លែងការណ៍ខាងក្រោម៖
ចុចអាន៖ សម្តេច ហ៊ុន សែន៖ គម្រោងវិនិយោគធំៗជាច្រើន ប្រែក្លាយខេត្តកោះកុង ទៅជាតំបន់អភិវឌ្ឍន៍