រដ្ឋមន្រ្តីរុស្ស៊ី៖ បេឡារុស គឺជាប្រទេសដ៏ល្អដែលសងបំណុលយ៉ាងទៀតទាត់

2020-09-21 04:03:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Anton Siluanov រដ្ឋមន្រ្តីហិរញ្ញវត្ថុរុស្ស៊ី បានថ្លែងថា ប្រទេសបេឡារុស គឺជាអ្នកខ្ចីបុលដែលអាចជឿជាក់បាន ពោលគឺការសងបំណុល តែធ្វើបានជាទៀងទាត់។

លោកបានបញ្ជាក់ក្នុងកិច្ចសម្ភាសន៍ជាមួយប៉ុស្តិ៍ទូរទស្សន៍ Rossiya-1 កាលពីថ្ងៃទី២០ ខែកញ្ញា ឆ្នាំ២០២០ យ៉ាងដូច្នេះថា៖ «បេឡារុស គឺជាអ្នកខ្ចីដ៏ជឿជាក់របស់យើង។ មិនដែលមានពេលណា ដែលប្រទេសនេះ ពន្យារពេលបង់សងបំណុលនោះទេ។ យើងគិតថា នោះគឺជាអ្នកខ្ចីលុយដ៏ល្អ»។

លោករដ្ឋមន្រ្តីបន្ថែមថា ការឱ្យបេឡារុស ខ្ចីលុយ គឺមានផលប្រយោជន៍សម្រាប់សេដ្ឋកិច្ចរុស្ស៊ីផងដែរ។ «យើងនឹងគាំទ្រទាំងសេដ្ឋកិច្ចរុស្ស៊ី និងបេឡារុស។ យើងតែលឺសំណួរជាច្រើនថា ហេតុអ្វីរុស្ស៊ី ផ្តល់ប្រាក់កម្ចីឱ្យបរទេស ក្នុងស្ថានភាពដែលពិបាកសម្រាប់រុស្ស៊ី? ក្នុងករណីនេះ បេឡារុស គឺដៃគូពាណិជ្ជកម្ម និងសេដ្ឋកិច្ចយ៉ាងជិតស្និទ្ធរបស់យើង»។

សូមជម្រាបថា រុស្ស៊ី នឹងផ្តល់ប្រាក់កម្ចីទៅបេឡារុស ជាពីរដំណាក់កាល ក្នុងនោះ ១ពាន់លានដុល្លារ ក្នុងឆ្នាំ២០២០ និង ៥០០លានដុល្លារ នៅឆ្នាំ២០២១៕

ប្រភព៖ TASS