បើមានភាពរឹងមាំលើផ្នែកទាំងពីរនេះភ្លាម ព្រះកាយច័ន្ទ នឹងគិតគូររឿងគូស្រករភ្លែតហ្មង!

2020-09-24 03:42:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាសម្ដែង រ៉ា សូនីតា ហៅព្រះកាយច័ន្ទ បង្ហើបថា នាងនឹងបើកបេះដូងទទួលបុរសម្នាក់ក្នុងក្ដីស្រមៃ ដើម្បីចូលរោងការជាមួយគ្នាយ៉ាងយូរបំផុតត្រឹមអាយុ៣១ ឬ៣២ឆ្នាំ ក្រោយពេលដែលសេដ្ឋកិច្ចគ្រួសាររឹងមាំ ហើយអាជីពសិល្បៈរបស់នាងក៏កាន់តែជោគជ័យ។

កញ្ញា សូនីតា ដែលពេលនេះមានវ័យ២៥ឆ្នាំ និយាយថា ត្បិតថារឿងរើសគូស្រករជាការទុកដាក់របស់ប៉ា-ម៉ាក់ ប៉ុន្តែបុរសនោះក៏ទាល់តែពេញចិត្តនាងដែរ។ ប៉ុន្ដែស្ថានភាពគ្រួសារ និងអាជីពសិល្បៈរបស់នាងបច្ចុប្បន្ន មិនទាន់អំណោយផលដល់រឿងរៀបការនៅឡើយ។

សូនីតា៖"ខ្ញុំចង់ពង្រឹងសេដ្ឋកិច្ចគ្រួសារឲ្យល្អសិន ហើយក៏ចង់ឲ្យក្លឹបរីកចម្រើន ដើម្បីឲ្យប្រាកដថារបរហ្នឹងជាអាជីពរហូតដល់ពេលខ្ញុំចាស់ទៅ។ នោះហើយ គឺជាពេលដែលខ្ញុំអាចគិតគូរបានច្រើនពីរឿងគូស្រករហ្នឹង"។

បច្ចុប្បន្ន កញ្ញា រ៉ា សូនីតា ហៅព្រះកាយច័ន្ទ កំពុងមមាញឹកការងារនៅសាលាសិល្បៈផ្ទាល់ខ្លួនដែលនាងបើកបង្រៀនក្មេងជំនាន់ក្រោយលើអាជីពសិល្បៈស្ទើរគ្រប់ទម្រង់។ ក្រៅពីការងារដ៏មមាញឹកនៅសាលាសិល្បៈនេះ នាងក៏រវល់ខ្លាំងណាស់ដែរជាមួយការងារសម្ដែង។ ដូច្នេះនាងមានពេលវេលាតិចណាស់ក្នុងការគិតគូររឿងស្នេហានៅពេលនេះ៕

អត្ថបទ៖ ជិន សុភ័ក្ដ្រ