១ខែមុនកើតជំងឺគាំងបេះដូង រាងកាយអ្នកនឹងបង្ហាញសញ្ញាព្រមានទាំង៨នេះ!
- 2020-09-29 02:02:50
- ចំនួនមតិ 0 | ចំនួនចែករំលែក 0
១ខែមុនកើតជំងឺគាំងបេះដូង រាងកាយអ្នកនឹងបង្ហាញសញ្ញាព្រមានទាំង៨នេះ!
ចន្លោះមិនឃើញ
គាំងបេះដូងគឺជាប្រភេទជំងឺធ្ងន់ធ្ងរបំផុត ដែលអាចប្រល័យជីវិតអ្នកគ្រប់ពេលវេលាដោយមិនដឹងខ្លួន។ រោគសញ្ញាសំខាន់ៗនៃជំងឺគាំងបេះដូងរមែងកើតឡើងរយៈពេល១ខែមុន ឬតិចជាងនេះ ដែលយើងចាំបាច់គួរតែងយល់ដឹងឲ្យបានផ្ចិតផ្ចង់ជាទីបំផុត។ ជាទូទៅ រោគសញ្ញាបង្ហាញដំបូងនៃជំងឺគាំងបេះដូងមានដូចជា៖
១. ឧស្សាហ៍នឿយហត់ខ្លាំង
រោគសញ្ញាបែបនេះច្រើនតែកើតឡើងចំពោះស្ត្រីជាងបុរស។ ការនឿយហត់អស់កម្លាំងដែលជារោគសញ្ញាជំងឺគាំងបេះដូងមិនបង្កឡើងដោយសារតែការធ្វើការងារហួសហេតុ ឬពាក់ព័ន្ធនឹងបញ្ហាផ្លូវចិត្តឡើយ តែវាកើតឡើងបែបខុសពីប្រក្រតី ពោលគឺនៅសុខៗមានការនឿយហត់ជាខ្លាំងសូម្បីតែរឿងតិចតួចដូចជារៀបចំកន្លែងដេក ទៅងូតទឹក ក៏គ្មានកម្លាំងកំហែងទៅធ្វើដែរ។
២. ឈឺពោះ
ការចុកឈឺនៅផ្នែកពោះក៏អាចជារោគសញ្ញានៃជំងឺគាំងបេះដូងផងដែរ។ ការឈឺនេះមិនបណ្ដាលមកពីការបរិភោគអាហារខុស ឬជំងឺក្រពះឡើយ។ អាការៈនេះអាចឈឺបាត់ៗក្នុងរយៈពេលខ្លី។
៣. ដេកពុំលក់
ស្ត្រីដែលប្រឈមនឹងជំងឺគាំងបេះដូងច្រើនតែលេចចេញនូវរោគសញ្ញាគេងពុំលក់ បូករួមទាំងការធុញថប់ផ្លូវអារម្មណ៍ និងការឆាប់ភ្លេចភ្លាំង។
៤. ថប់ៗដង្ហើម
រោគសញ្ញាបែបនេះអាចបង្ហាញប្រាប់រយៈពេល៦ខែមុននឹងកើតមានជំងឹគាំងបេះដូង។ វាធ្វើឲ្យអ្នកពិបាកខ្លាំងក្នុងការដកដង្ហើមធំម្ដងៗ និងវិលមុខរកខ្យល់ ជាដើម។
៥. ជ្រុះសក់
រោគសញ្ញាច្រើនកើតចំពោះបុរសវ័យជាង៥០ឆ្នាំ។
៦. ចង្វាក់បេះដូងលោតខុសធម្មតា
ជាធម្មតា រោគសញ្ញានៃចង្វាក់បេះដូងលោតញាប់មិនប្រក្រតីមានរយៈពេលប្រមាណពី ១ទៅ២នាទី ដែលបណ្ដាលឲ្យកើតមានអាការៈវិលមុខ និងនឿយហត់ខ្លាំងបំផុត។ គួរគប្បីទៅមន្ទីរពេទ្យជាបន្ទាន់។
៧. បែកញើសច្រើន
ការបែកញើសនេះមិនបង្កឡើងដោយសារកត្តាសីតុណ្ហភាពឡើយ ពោលគឺនៅសុខៗស្រាប់តែបែកញើសជោគជាំឡើងស្អិតពេញខ្លួនតែម្ដង ហើយជួនកាលវាមានអាការៈដូចជាជំងឹផ្ដាសាយអ៊ីចឹងដែរ។ រោគសញ្ញានេះច្រើនតែកើតទៅលើស្ត្រីភេទ។
៨. ឈឺទ្រូង
ការឈឺទ្រូងនេះកើតឡើងទៅលើបុរសច្រើនជាងស្ត្រី ហើយជារោគសញ្ញាព្រមានដ៏សំខាន់មួយមិនគួរព្រងើយកន្តើយឡើយ។ ការឈឺទ្រូងនេះអាចកើតឡើងព្រមគ្នាជាមួយអាការៈឈឺដៃ(ម្ខាងឬទាំងសងខាង) ថ្គាមក្រោម ក ស្មា និងពោះ ជាដើម។
សូមបញ្ជាក់ថា កត្តាប្រឈមនៃការកើតមានជំងឺគាំងបេះដូងមានដូចជា ការឡើងទម្ងន់ កង្វះការហាត់ប្រាណ និងការជក់បារី ជាដើម៕