រឿងទាមទារឱ្យចុះចេញពីតំណែង! លោកស្រី យីងឡាក់ សួរលោកប្រាយុទ្ធថា «នៅចាំទេ កាល៦ឆ្នាំមុន»?
- 2020-10-19 03:50:55
- ចំនួនមតិ 0 | ចំនួនចែករំលែក 0
រឿងទាមទារឱ្យចុះចេញពីតំណែង! លោកស្រី យីងឡាក់ សួរលោកប្រាយុទ្ធថា «នៅចាំទេ កាល៦ឆ្នាំមុន»?
ចន្លោះមិនឃើញ
អតីតនាយករដ្ឋមន្រ្តីថៃ លោកស្រី យីងឡាក់ បានរំលឹកពីរឿងរ៉ាវមួយកាលពី៦ឆ្នាំមុន ដែលពេលនោះរដ្ឋាភិបាលរបស់លោកស្រី ត្រូវបានហ៊ុមព័ទ្ធដោយក្រុមបាតុករទាមទារឱ្យចុះចេញពីតំណែង ពោលគឺដូចជាស្ថានភាពរបស់លោក ប្រាយុទ្ធ ចាន់អូចា នាពេលបច្ចុប្បន្នដូច្នោះដែរ។
** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **
លោកស្រី យីងឡាក់ បានបង្ហោះនៅលើទំព័រហ្វេសប៊ុករបស់ខ្លួនកាលពីថ្ងៃទី១៧ ខែតុលា ឆ្នាំ២០២០ យ៉ាងដូច្នេះថា៖ «ខ្ញុំមិនដឹងថា តើអ្នករាល់គ្នានៅចាំឬអត់ទេ? កាលពី៦ឆ្នាំមុន មនុស្សមួយក្រុមដែលហៅខ្លួនពួកគេថាជា គណៈកម្មាធិការកែទម្រង់ប្រជាធិបតេយ្យប្រជាជន (PDRC) ហើយទាមទារឱ្យខ្ញុំចុះចេញពីតំណែង។ ហើយពេលនោះលោកអគ្គមេបញ្ជាការ ប្រាយុទ្ធ បានសួរថា តើខ្ញុំអាចបន្តដឹកនាំរដ្ឋាភិបាលទៀតអត់»។
ចំពោះការធ្វើបាតុកម្មទាមទារឱ្យលោកនាយករដ្ឋមន្រ្តី ប្រាយុទ្ធ ចុះចេញពីតំណែងនាពេលបច្ចុប្បន្ននេះ លោកស្រី យីងឡាក់ បានលើកឡើងយ៉ាងដូច្នេះថា៖
«ថ្ងៃនេះ ព្រឹត្តិការណ៍ដូចគ្នាបានកើតឡើងចំពោះលោកប្រាយុទ្ធវិញហើយ។ និស្សិត បងប្អូនប្រុសស្រី ចង់ឃើញប្រទេសផ្លាស់ប្តូរ ហើយពួកគេអំពាវនាវឱ្យលោកប្រាយុទ្ធ ចុះចេញ និងធ្វើវិសោធនកម្មរដ្ឋធម្មនុញ្ញ។ ខ្ញុំបានតាមដានស្ថានភាពក្នុងប្រទេសដោយក្តីបារម្ភ»។
«វាបានរំលឹកខ្ញុំពីពេលដែលអ្នក (ប្រាយុទ្ធ) ស្នើខ្ញុំដូច្នេះកាលពី ៦ឆ្នាំមុន ថាខ្ញុំយល់ព្រមឬអត់។ ហើយខ្ញុំសង្ឃឹមថា អ្នកនឹងចងចាំថ្ងៃនោះ ហើយធ្វើការសម្រេចចិត្តដោយឆាប់រហ័ស ដើម្បីឱ្យប្រទេសស្ងប់ស្ងាត់ និងដើរទៅមុខ»៕