ទូតចិន និងមន្រ្តីតៃវ៉ាន់ វាយគ្នាដល់មានរបួសនៅប្រទេសហ្វីជី
- 2020-10-21 04:38:10
- ចំនួនមតិ 0 | ចំនួនចែករំលែក 0
ទូតចិន និងមន្រ្តីតៃវ៉ាន់ វាយគ្នាដល់មានរបួសនៅប្រទេសហ្វីជី
ចន្លោះមិនឃើញ
មន្រ្តីតៃវ៉ាន់ម្នាក់ ត្រូវបានអះអាងថា រងរបួសត្រង់ក្បាលក្នុងការប៉ះទង្គិចគ្នាជាមួយមន្រ្តីទូតចិន នៅប្រទេសហ្វីជី កាលពីដើមខែតុលានេះ។
** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **
បើតាមលោកស្រី Joanne Ou អ្នកនាំពាក្យក្រសួងការបរទេសតៃវ៉ាន់ បានប្រាប់ CNN កាលពីថ្ងៃទី១៩ ខែតុលា ឆ្នាំ២០២០ថា ហេតុការណ៍នេះ បានកើតឡើងនៅថ្ងៃទី៨តុលា ក្នុងអំឡុងពេលការិយាល័យតំណាងតៃវ៉ាន់ ប្រចាំនៅក្រុង Suva ប្រទេសហ្វីជី បានប្រារព្ធពិធីថ្ងៃខួបកំណើតតៃវ៉ាន់។
លោកស្រីថា ក្នុងអំឡុងពេលប្រារព្ធពីធីនេះ ក៏ស្រាប់តែមានមន្រ្តីស្ថានទូតចិន ២នាក់ សម្រុកចូលកន្លែងប្រារព្ធពិធី ដើម្បីថតរូបភ្ញៀវដែលចូលរួម។ «ពេលមន្រ្តីយើងហាមឃាត់ មន្រ្តីចិនទាំងពីរក៏ផ្ទុះហិង្សាវាយដំធ្វើឱ្យរបួសក្បាលមន្រ្តីយើង ហើយក្រោយមកត្រូវបានបញ្ជូនទៅមន្ទីរពេទ្យ»។
យ៉ាងណាមិញ ស្ថានទូតចិន នៅហ្វីជី បានសេចក្តីថ្លែងការណ៍អះអាងថា មន្រ្តីតៃវ៉ាន់វិញទេ ដែលបានបង្ករឿងប្រឆាំងនឹងមន្រ្តីទូតចិន។ ស្ថានទូតចិន អះអាងថា មន្រ្តីតៃវ៉ាន់បំពេញភារកិច្ចហួសព្រះដែន នៅទីសាធារណៈ។
គួរដឹងថា ហ្វីជីគឺជាប្រទេសក្នុងមហាសមុទ្រប៉ាស៊ីហ្វិកដំបូងគេ ដែលទទួលស្គាល់ប្រទេសចិន ក្នុងឆ្នាំ១៩៧៥។ យ៉ាងណាមិញ ហ្វីជី ក៏នៅបន្តទាក់ទងជាមួយតៃវ៉ាន់ដែរ ប៉ុន្តែត្រូវធ្វើឡើងតាមរយៈការិយាល័យតំណាងតែប៉ុណ្ណោះ មិនឈានដល់កម្រិតដាក់ស្ថានទូតដូចចិនឡើយ៕