ប្ដីប្រពន្ធ Rain វ៉ាមុខ Jun Ji Hyun ក្លាយជាតារាមានទ្រព្យអចលនទ្រព្យច្រើនបំផុត ជាង៧០លានដុល្លារ
- 2020-11-04 01:50:00
- ចំនួនមតិ 0 | ចំនួនចែករំលែក 0
ប្ដីប្រពន្ធ Rain វ៉ាមុខ Jun Ji Hyun ក្លាយជាតារាមានទ្រព្យអចលនទ្រព្យច្រើនបំផុត ជាង៧០លានដុល្លារ
ចន្លោះមិនឃើញ
ជាមួយនឹងទ្រព្យខាងអចលទ្រព្យសរុប ៧១.៨លានដុល្លារ ប្ដីប្រពន្ធកំពូលតារាចម្រៀង Rain បានផ្ដួលសិល្បករជាច្រើនផ្សេងទៀត ដើម្បីក្លាយជាសិល្បករដែលមានទ្រព្យដីធ្លីច្រើនជាងគេ។
មុននេះបន្តិច កម្មវិធី Live All Year របស់ប៉ុស្តិ៍ KBS ទើបតែប្រកាសតារាងឈ្មោះសិល្បករដែលមានទ្រព្យ អចលទ្រព្យច្រើនជាងគេសម្រាប់ឆ្នាំនេះ។ តាមនោះដែរ ទោះបីជាត្រូវរងផលប៉ះពាល់ដោយសារជំងឺកូវីដ ១៩ យ៉ាងធ្ងន់ធ្ងរក៏ដោយ តែដីធ្លីរបស់ប្ដីប្រពន្ធកំពូលតារាកូរ៉េ Rain និង Kim Tae Hee នៅតែឡើងស្រឺតៗ ដោយពួកគេមានដីធ្លីសរុបជាទឹកប្រាក់គឺ ៧១.៨ លានដុល្លារ។ ដោយនៅក្នុងនោះរួមមាន វីឡាមួយខ្នងរបស់ Kim Tae Hee ទិញកាលពីឆ្នាំ ២០១២ មានតម្លៃ ៣លានដុល្លារកន្លះ បានកើនដល់ ៥លានដុល្លារ កាលពីឆ្នាំមុន ហើយមកដល់ឆ្នាំនេះ ផ្ទះនេះបានហក់ដល់ ១៤.៨លានដុល្លារហើយ។
តាមកៀកកិតពីក្រោយកំពូលប្ដីប្រពន្ធខាងលើ គឺតារាសម្ដែងប្រុសជើងចាស់ Kwon Sang Woo។ ប្រុសស្អាតទឹកភ្នែកមានទ្រព្យដីធ្លីសរុប ៧០លានដុល្លារ ដោយខុសពីប្ដីប្រពន្ធខាងលើ ដែលវិនិយោគតែតំបន់ទីក្រុងនោះ លោកក៏ទិញដីនៅតំបន់ជាយផងដែរ។
ត្រូវរុញទម្លាក់ពី ១ មកលេខ៣គឺកំពូលតារាសម្ដែងស្រីជើងចាស់ Jun Ji Hyun ជាមួយទ្រព្យសរុប ៦៨.៣ដុល្លារ។ តាមនោះដែរ ក្នុងឆ្នាំកន្លង តួរឿង សង្សារខ្ញុំជាមនុស្សភពផ្កាយ មិនបានទិញថែមដីធ្លីឡើយ ដោយនាងផ្ដោតទៅលើការជួលអចលទ្រព្យទាំងនេះវិញ ទើបធ្វើឲ្យទ្រព្យរបស់នាងនៅថេរ៕