ជៀសវាងហានិភ័យស្លាប់មុនអាយុ គួរប្រញាប់ធ្វើរឿងនេះ!
- 2020-11-23 06:09:48
- ចំនួនមតិ 0 | ចំនួនចែករំលែក 0
ជៀសវាងហានិភ័យស្លាប់មុនអាយុ គួរប្រញាប់ធ្វើរឿងនេះ!
ចន្លោះមិនឃើញ
ភាពអសកម្មជាមូលហេតុចម្បងនៃកត្តាបង្កឲ្យកើតមានហានិភ័យខ្ពស់នៃការស្លាប់មុនអាយុ ជាពិសេសសម្រាប់មនុស្សវ័យកណ្ដាល និងមនុស្សវ័យជរា។ ភាពអសកម្មទាំងនោះមានដូចជាការអង្គុយជាប់មួយកន្លែងរយៈពេលយូរដល់ ៩ម៉ោងកន្លះ ឬច្រើនជាងនេះក្នុង១ថ្ងៃៗ ដោយមិនរាប់បញ្ចូលពេលវេលាគេងយប់នោះឡើយ។ នេះបើយោងតាមរបាយការណ៍សិក្សាមួយនៅក្នុងសៀវភៅវេជ្ជសាស្ត្រ BMJ។
ដំណោះស្រាយដើម្បីបញ្ចៀសអត្រាស្លាប់មុនអាយុគឺគួរបញ្ចេញកម្លាំងពលកម្មឲ្យបានទៀងទាត់។ ការចម្អិនម្ហូប បោកសម្លៀកបំពាក់ ឬកិច្ចការផ្ទះតូចតាចអាចចាត់ទុកជាការបញ្ចេញកម្លាំងពលកម្មកម្រិតស្រាលបាន។ ដោយឡែកការបញ្ចេញកម្លាំងពលកម្មកម្រិតធ្ងន់មានដូចជា ការរត់ហាត់ប្រាណ ឬការលើកដុំដែក ជាដើម។ ការបញ្ចេញកម្លាំងពលកម្មកម្រិតស្រាលគួរធ្វើឲ្យបានយ៉ាងហោចណាស់ ១៥០នាទីក្នុង១សប្ដាហ៍ ខណៈដែលកម្រិតធ្ងន់វិញគួរធ្វើយ៉ាងហោចណាស់ ៧៥នាទីក្នុង១សប្ដាហ៍។
ការបញ្ចេញកម្លាំងពលកម្មឲ្យបានត្រឹមត្រូវនិងទៀងទាត់ល្អនឹងជួយកាត់បន្ថយហានិភ័យនៃការស្លាប់មុនអាយុបាន៥ដង បើធៀបនឹងអ្នកដែលអសកម្មក្នុងជីវភាពប្រចាំថ្ងៃ៕