ផ្លូវល្បឿនលឿនភ្នំពេញ-ព្រះសីហនុ! ធ្វើអស់ ១ដុល្លារ តែបានផលប្រយោជន៍មកវិញ ៣ដុល្លារ
- 2020-11-23 03:47:19
- ចំនួនមតិ 0 | ចំនួនចែករំលែក 0
ផ្លូវល្បឿនលឿនភ្នំពេញ-ព្រះសីហនុ! ធ្វើអស់ ១ដុល្លារ តែបានផលប្រយោជន៍មកវិញ ៣ដុល្លារ
ចន្លោះមិនឃើញ
យោងតាមស្ថិតិដែលសិក្សាពាក់ព័ន្ធដោយប្រទេសចិន បង្ហាញថា តម្លៃវិនិយោគលើការសាងសង់ផ្លូវល្បឿនលឿន មួយដុល្លារអាចផ្តល់ផលប្រយោជន៍ដល់សង្គមវិញក្នុងតម្លៃប្រហែល៣ដុល្លារ។ នេះបើតាមការបង្ហោះនៅលើទំព័រហ្វេសប៊ុកមួយឈ្មោះ «ផ្លូវល្បឿនលឿនភ្នំពេញ-ព្រះសីហនុ» កាលពីពេលថ្មីៗនេះ។
ប្រភពហ្វេសបុកនេះ បន្តថា ផ្លូវល្បឿនលឿនដែលអាចឱ្យយានយន្តបើកបរដល់ល្បឿន ១០០ គីឡូម៉ែត្រក្នុង១ម៉ោង នឹងភ្ជាប់រាជធានីភ្នំពេញ និងក្រុងព្រះសីហនុ ក្នុងរយៈពេល ២ ម៉ោងដែលនឹងជំរុញយ៉ាងខ្លាំងដល់ការអភិវឌ្ឍសេដ្ឋកិច្ចកម្ពុជា។
បើតាមការឱ្យដឹងនាពេលកន្លងមករបស់ទំព័រហ្វេសប៊ុកខាងលើ គម្រោងផ្លូវល្បឿនលឿនភ្នំពេញ-ព្រះសីហនុ បានខិតខំប្រឹងប្រែងបណ្តុះបណ្តាលពង្រឹងការងារនិងជំនាញដល់បុគ្គលិកក្នុងស្រុកជាបន្តបន្ទាប់។
គម្រោងបានជំរុញក្នុងការជ្រើសរើសបុគ្គលិកក្នុងស្រុកមកបម្រើការងារ បច្ចុបន្បន្នគម្រោងសាងសង់នេះមានបុគ្គលិកជនជាតិខ្មែរសរុបទាំងអស់ជាង២៣០០នាក់ ស្មើប្រមាណ ៧៥,៣% នៃបុគ្គលិកក្នុងគម្រោងទាំងមូល។
សូមជម្រាបថា គម្រោងផ្លូវល្បឿនលឿន ភ្នំពេញ-ក្រុងព្រះសីហនុ តម្លៃប្រមាណ ២ពាន់លានដុល្លារ មានប្រវែងសរុបជាង ១៩០គីឡូម៉ែត្រ។ ផ្លូវនេះមាន ៤គន្លង (២ទៅ ២មក) ខណ្ឌដោយសួនច្បារកណ្តាល ដែលអនុញ្ញាតឱ្យយានយន្តគ្រប់ប្រភេទអាចបើកបរក្នុងល្បឿនរហូតដល់ ១០០ ទៅ ១២០គ.ម ក្នុង១ម៉ោង៕
ប្រភព៖ ហ្វេសប៊ុក ផ្លូវល្បឿនលឿនភ្នំពេញ-ព្រះសីហនុ