ពូទីន ថាទាល់តែបាន២ចំណុចនេះសិន ទើបលោកព្រមអបអរ បៃឌិន
- 2020-11-23 07:07:52
- ចំនួនមតិ 0 | ចំនួនចែករំលែក 0
ពូទីន ថាទាល់តែបាន២ចំណុចនេះសិន ទើបលោកព្រមអបអរ បៃឌិន
ចន្លោះមិនឃើញ
ប្រធានាធិបតីរុស្ស៊ី លោក វ្លាឌីមៀ ពូទីន បានបញ្ជាក់ថា លោកត្រៀមខ្លួនរួចរាល់ហើយក្នុងការធ្វើការជាមួយមេដឹកនាំអាមេរិកគ្រប់រូប ប៉ុន្តែលោកមិនទាន់ទទួលស្គាល់ ឬអបអរជ័យជម្នះរបស់លោក ចូ បៃឌិន នៅឡើយទេ។
ថ្លែងតាមកញ្ចក់ទូរទស្សន៍រដ្ឋកាលពីថ្ងៃទី២២ ខែវិច្ឆិកា ឆ្នាំ២០២០ លោក ពូទីន ពន្យល់ថា ការអបអរបេក្ខជនដែលឈ្នះឆ្នោតណាមួយ លុះត្រាតែបេក្ខជនរូបនោះត្រូវបានទទួលស្គាល់ពីបក្សប្រឆាំង ឬត្រូវបានប្រកាសលទ្ធផលជាផ្លូវការស្របតាមច្បាប់។
នៅពេលសួរថា បើលោកពូទីន មិនទាន់អបអរដូច្នេះ តើវាអាចប៉ះពាល់ទំនាក់ទំនងរវាងប្រទេសទាំងពីរឬអត់? លោកឆ្លើយតបយ៉ាងខ្លីថា៖ «គ្មានអ្វីត្រូវប៉ះពាល់ទេ ពោលគឺពួកគេបានបំផ្លាញរួចមកហើយ»៕