កម្ពុជា នឹងទទួលបានឱកាសមាស ក្រោយអង់គ្លេសចាកចេញពី EU ចាប់ពីដើមឆ្នាំក្រោយ
- 2020-11-23 09:04:38
- ចំនួនមតិ 0 | ចំនួនចែករំលែក 0
កម្ពុជា នឹងទទួលបានឱកាសមាស ក្រោយអង់គ្លេសចាកចេញពី EU ចាប់ពីដើមឆ្នាំក្រោយ
ចន្លោះមិនឃើញ
កម្ពុជា នឹងទទួលបានការនាំចេញដោយមិនជាប់ពន្ធ និងមិនជាប់កូតា ទៅកាន់ប្រទេសអង់គ្លេស សម្រាប់ទំនិញទាំងអស់លើកលែងតែអាវុធ និងគ្រឿងផ្ទុះ នៅពេលអង់គ្លេសចាកចេញពីសហភាពអឺរ៉ុបជាផ្លូវការ ចាប់ពីដើមឆ្នាំក្រោយ។ នេះបើតាមលិខិតជូនដំណឹងមួយរបស់សមាគមរោងចក្រកាត់ដេរនៅកម្ពុជា កាលពីថ្ងៃទី១៩ ខែវិច្ឆិកា ឆ្នាំ២០២០។
ក្នុងលិខិតបានបញ្ជាក់ថា ប្រទេសអង់គ្លេស បានចាកចេញពីសហភាពអឺរ៉ុប ហើយរយៈពេលអន្តរកាលបន្ទាប់ពី Brexit នឹងត្រូវបញ្ចប់នៅចុងឆ្នាំនេះ។ ចាប់ពីថ្ងៃទី១ ខែមករា ឆ្នាំ២០២១ ប្រទេសដែលមានលក្ខណៈសម្បត្តិជាប្រទេសកំពុងអភិវឌ្ឍ នឹងអាចទទួលបានការអនុគ្រោះពាណិជ្ជកម្មតាមរយៈប្រព័ន្ធ GSP របស់អង់គ្លេស។
ប្រព័ន្ធ GSP របស់អង់គ្លេស នឹងមានក្របខណ្ឌចំនួន៣៖ ក្របខណ្ឌប្រទេសអភិវឌ្ឍតិចតួចបំផុត ក្របខណ្ឌទូទៅ និងក្របខណ្ឌប្រសើរឡើង។ កម្ពុជា ត្រូវបាន UN ចាត់ថ្នាក់ជាប្រទេសអភិវឌ្ឍតិចតួចបំផុត ដូច្នេះកម្ពុជានឹងទទួលបានឱកាសនេះ៕
សូមអានបន្ថែមខាងក្រោម៖