មិនមែនអាមេរិក រុស្ស៊ី ឬចិន! តែថៃជ្រើសរើសយកវ៉ាក់សាំងកូវីដរបស់ប្រទេសនេះទៅវិញ
- 2020-11-25 06:36:25
- ចំនួនមតិ 0 | ចំនួនចែករំលែក 0
មិនមែនអាមេរិក រុស្ស៊ី ឬចិន! តែថៃជ្រើសរើសយកវ៉ាក់សាំងកូវីដរបស់ប្រទេសនេះទៅវិញ
ចន្លោះមិនឃើញ
ប្រទេសថៃ នឹងជ្រើសរើសយកវ៉ាក់សាំងប្រឆាំងកូវីដ១៩ ដែលផលិតដោយក្រុមហ៊ុនអង់គ្លេស AstraZeneca និងសាកលវិទ្យាល័យ Oxford ក្នុងនោះប្រជាជនថៃនឹងទទួលបានការចាក់វ៉ាក់សាំងនេះ នៅពាក់កណ្តាលឆ្នាំ២០២១។ នេះបើតាមការប្រកាសរបស់វិទ្យាស្ថានវ៉ាក់សាំងជាតិថៃ (NVI) កាលពីថ្ងៃទី២៤ ខែវិច្ឆិកា ឆ្នាំ២០២០។
លោក Nakhon Premsri នាយក NVI បានថ្លែងថា លោកមានទំនុកចិត្តថាក្រុមហ៊ុន AstraZeneca នឹងទទួលបានការយល់ព្រមឆាប់ៗពីរដ្ឋបាលឱសថ និងអាហាររបស់អង់គ្លេស។
ការផលិតវ៉ាក់សាំងនេះ នឹងធ្វើឡើងនៅក្នុងស្រុក ពោលគឺផលិតនៅរោងចក្ររបស់ក្រុមហ៊ុន Siam Bioscience Group ក្នុងខេត្ត Pathum Thani ជិតក្រុងបាងកក។ ក្រុមហ៊ុនថៃ ត្រូវបានជ្រើសរើសជាដៃគូរបស់ក្រុមហ៊ុនអង់គ្លេស AstraZeneca សម្រាប់ផលិតវ៉ាក់សាំងចែកចាយក្នុងតំបន់អាស៊ានតែម្តង។
លោក Nakhon Premsri បន្ថែមថា បន្ទាប់ពីទទួលបានបច្ចេកវិទ្យារួចរាល់ពីភាគីអង់គ្លេស នោះក្រុមហ៊ុន Siam Bioscience Group នឹងស្នើសុំរដ្ឋបាលឱសថ និងអាហារថៃ (FDA) ដើម្បីចាប់ផ្តើមដំណើរការផលិត នៅក្នុងខែមីនា។
«ប្រសិនបើវ៉ាក់សាំងនេះ ទទួលបានការយល់ព្រមពី FDA ថៃ យើងនឹងចាប់ផ្តើមផលិតកម្មរបស់យើងសម្រាប់សាធារណជន ត្រឹមពាក់កណ្តាលឆ្នាំក្រោយ។ យើងជឿជាក់ថា វ៉ាក់សាំងផលិតដោយ AstraZeneca នឹងទទួលបានការយល់ព្រមភា្លមៗពី FDA អង់គ្លេស ខណៈវាមានប្រសិទ្ធភាព ៧០% ពោលគឺខ្ពស់ជាងតម្រូវការ ៥០% ដែលកំណត់ដោយ WHO ទៅទៀត»៕