Yang Mi ស្អាតឥតខ្ចោះទាំងមិនត្រូវការ Edit តែជើងស្គមសល់តែឆ្អឹងគួរឲ្យបារម្ភ
- 2020-11-26 02:55:00
- ចំនួនមតិ 0 | ចំនួនចែករំលែក 0
Yang Mi ស្អាតឥតខ្ចោះទាំងមិនត្រូវការ Edit តែជើងស្គមសល់តែឆ្អឹងគួរឲ្យបារម្ភ
ចន្លោះមិនឃើញ
ទោះបីជាដឹងថា តារាសម្ដែងស្រីល្បីឈ្មោះចិន Yang Mi មានរាងស្គមស្ដើងតាំងពីដើមក៏ដោយ តែដល់ថ្នាក់ជើងសល់តែស្បែកដណ្ដប់ឆ្អឹងដូចបច្ចុប្បន្នបានធ្វើឲ្យអ្នកគាំទ្ររបស់នាងព្រួយបារម្ភជាខ្លាំង។
មុននេះបន្តិច បណ្ដាញព័ត៌មាន Mango បានរាយការណ៍ថា កាលពីថ្ងៃទី ២៥ ខែវិច្ឆិកាកន្លងទៅនេះ តារាសម្ដែងលំដាប់ A ចិន Yang Mi បានចូលរួមក្នុងកម្មវិធី live លក់ទំនិញសម្រាប់ប្រេនមួយដែលខ្លួនជាអ្នកតំណាងដែលត្រូវបានប្រព្រឹត្តឡើងនៅផ្សារទំនើបមួយ។ នៅក្នុងកម្មវិធីនេះដែរ អ្នកម្ដាយកូនមួយ តែងខ្លួនសាមញ្ញ តែនៅលេចធ្លោធ្វើឲ្យគេមើលមិនដាក់ភ្នែក។
នៅក្នុងកម្មវិធីដដែលនេះដែរ ស្រីស្អាត ៣៤ឆ្នាំ ត្រូវបានទស្សនិកជនថតរូបច្រើនរាប់មិនអស់ ព្រោះសម្រស់លេចធ្លោរបស់នាងធ្វើឲ្យគេលង់ខ្លាំងតែម្ដង ទោះបីជាមិនទាន់ឆ្លងកាត់ការ Edit អ្វីក៏ដោយ។ យ៉ាងណាក្ដី បញ្ហារាងស្គមខ្លាំងពេករបស់រឿង និស្ស័យស្នេហ៍ទេវតា៣ជាតិ បានធ្វើឲ្យអ្នកគាំទ្រព្រួយបារម្ភជាខ្លាំង។ ជាក់ស្ដែង នៅក្នុងរូបមួយចំនួន ជើងរបស់ Yang Mi មានសភាពស្គមខ្លាំង ដោយនៅសល់តែស្បែកគ្របឆ្អឹងតែប៉ុណ្ណោះ។
Yang Mi ជាតារាដែលល្បីខាងថែរក្សារាង ដោយជារៀងរាល់ពេល អ្នកម្ដាយកូន១ ញ៉ាំតែគាវ៧គ្រាប់ ហើយហាត់ប្រាណយ៉ាងតិច ២ម៉ោងជារៀងរាល់ថ្ងៃ។ ទោះបីជាដឹងថារាងស្គមចូលកាមេរ៉ាស្អាតក៏ដោយ តែសភាពស្គមខ្លាំងពេករបស់ Yang Mi បានធ្វើឲ្យគេបារម្ភជាខ្លាំង៕