ក្រៅពីភ្នំពេញ! ក្រសួងប្រកាសឱ្យអ្នកពាក់ព័ន្ធក្នុងខេត្ត៤នេះ ត្រូវធ្វើចត្តាឡីស័កឱ្យបានហ្មត់ចត់បំផុត
- 2020-11-29 01:16:28
- ចំនួនមតិ 0 | ចំនួនចែករំលែក 0
ក្រៅពីភ្នំពេញ! ក្រសួងប្រកាសឱ្យអ្នកពាក់ព័ន្ធក្នុងខេត្ត៤នេះ ត្រូវធ្វើចត្តាឡីស័កឱ្យបានហ្មត់ចត់បំផុត
ចន្លោះមិនឃើញ
នៅព្រឹកនេះ ក្រសួងសុខាភិបាល បានជូនដំណឹងដល់អ្នកដែលប៉ះពាល់ជាមួយអ្នកជំងឺកូវីដ១៩ ចំនួន៦នាក់ ដែលជាអគ្គនាយកពន្ធនាគារ និងភរិយា ព្រមទាំងសមាជិកគ្រួសារ ចាំបាច់ត្រូវធ្វើចត្តាឡីស័ក ១៤ថ្ងៃ នៅតាមរបស់ខ្លួនឱ្យបានត្រឹមត្រូវ និងនៅមណ្ឌលចត្តាឡីស័កនៅខេត្តសៀមរាប ខេត្តស្ទឹងត្រែង ខេត្តមណ្ឌលគិរី និងខេត្តបន្ទាយមានជ័យ (សម្រាប់អ្នកដែលប៉ះពាល់នៅតាមខេត្ត) ឱ្យបានហ្មត់ចត់ជាទីបំផុត។
ក្រសួងប្រាប់កុំឱ្យដើរចេញក្រៅផ្ទះ ឬចេញពីមណ្ឌលចត្តាឡីស័ក ក្នុងអំឡុងពេលធ្វើចត្តាឡីស័កនេះឱ្យសោះ ដើម្បីទប់ស្កាត់ការចម្លងវីរុសដ៏កាចសាហាវនេះ ពីមនុស្សម្នាក់ទៅម្នាក់ និងកុំឱ្យមានការរាតត្បាតទ្រង់ទ្រាយធំនៅក្នុងសហគមន៍។
ក្រសួងក៏បានណែនាំឱ្យអាជ្ញាធរថ្នាក់ក្រោមជាតិ និងមន្ទីរសុខាភិបាលខេត្តដែលពាក់ព័ន្ធ ត្រូវបន្តរុករកស្រាវជ្រាវរកអ្នកប៉ះពាល់ និងធ្វើការតាមដានការងារធ្វើចត្តាឡីស័ក ១៤ថ្ងៃនេះ ជាបន្តទៀត៕
ចុចអានអត្ថបទទាក់ទង៖ ក្រុមគ្រួសាររបស់អគ្គនាយកពន្ធនាគារទាំងអស់៦នាក់ ត្រូវបានរកឃើញឆ្លងកូវីដ