ប្រទេសអាស៊ានមួយនេះ ផ្ទុះការឆ្លងកូវីដចូលក្នុងសហគមន៍សារជាថ្មី
- 2020-12-01 01:26:50
- ចំនួនមតិ 0 | ចំនួនចែករំលែក 0
ប្រទេសអាស៊ានមួយនេះ ផ្ទុះការឆ្លងកូវីដចូលក្នុងសហគមន៍សារជាថ្មី
ចន្លោះមិនឃើញ
ជាលើកដំបូងក្នុងរយៈពេល ៣ខែមកនេះ វៀតណាមបានជួបករណីឆ្លងកូវីដ១៩ចូលក្នុងសហគមន៍ នៅចុងខែវិច្ឆិកាកន្លងទៅនេះ។
ករណីឆ្លងគឺជាអ្នកជំងឺម្នាក់ទី១៣៤៧ ជាបុរសអាយុ ៣២ឆ្នាំនៅក្រុងហូជីមិញ។ គាត់ជាមិត្តភក្តិរបស់បុគ្គលិកអាកាសចរណ៍ម្នាក់ដែលរកឃើញវិជ្ជមានកូវីដ១៩ កាលពីថ្ងៃទី២៩វិច្ឆិកា។ អាជ្ញាធរកំពុងស្វែងរកអ្នកពាក់ព័ន្ធនឹងអ្នកជំងឺថ្មីនេះ ដែលបានប្រាស្រ័យទាក់ទងគ្នា ក្នុងរយៈពេលប៉ុន្មានថ្ងៃចុងក្រោយ។
អ្វីដែលគួរឱ្យកត់សម្គាល់នោះ អ្នកជំងឺរូបនេះ បានចូលខារ៉ាអូខេ និងហាងកាហ្វេ កាលពីប៉ុន្មានថ្ងៃមុន។ អាជីវកម្មដែលពាក់ព័ន្ធទាំងនេះ ត្រូវបិទ ហើយត្រូវបានបាញ់ថ្នាំសម្លាប់មេរោគផងដែរ។
គិតត្រឹមព្រឹកថ្ងៃទី១ធ្នូនេះ វៀតណាមមានករណីឆ្លងកូវីដ១៩សរុប ១៣៤៧នាក់ ក្នុងនោះស្លាប់ ៣៥នាក់ និងជាសះស្បើយ ១១៧៩នាក់៕