ថៅកែក្រុមហ៊ុនជួលម៉ោងតុក្កតាសិច បង្ហោះវីដេអូ១នេះ ដើម្បីឆ្លើយតបចម្ងល់មហាជន!

2021-01-08 05:58:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Natrl Dolls គឺជាក្រុមហ៊ុនជួលម៉ោងតុក្កតាសិចដ៏ល្បី និងទទួលបានការគាំទ្រយ៉ាងច្រើនមួយនៅក្នុងប្រទេសកាណាដា។ ក្រុមហ៊ុននេះមានតុក្កតាសម្រាប់ជួលចំនួន ១៣គ្រឿង ដោយ១២គឺតុក្កតាស្រី និង១គឺជាតុក្កតាប្រុស។

តុក្កតាសិច១គ្រឿងមានតម្លៃប្រមាណជាង ៦០០០ដុល្លារនៅកាណាដា។ យ៉ាងណាមិញ បើគិតជាតម្លៃជួលវិញគឺត្រឹម ១៥០ដុល្លារប៉ុណ្ណោះសម្រាប់រយៈពេល២ម៉ោង ហើយបើគិតជា១យប់ពេញគឺជិត ២៣០ដុល្លារ។ ព្រោះតែភាពសន្សំសំចៃ ក្រុមហ៊ុន Natrl Dolls ទទួលបានអតិថិជនច្រើន ហើយគ្រោងនឹងបើកសាខាបន្ថែមទៀតនៅលើទឹកដីកាណាដា និងសហរដ្ឋអាមេរិកថែមទៀតផង។

ខណៈដែលរបរថ្មីនេះកំពុងមានសន្ទុះល្បី គ្រប់គ្នាចាប់ផ្ដើមលើកឡើងជាចម្ងល់មួយដូចៗគ្នាពាក់ព័ន្ធនឹងការលាងសម្អាតតុក្កតា ក្រោយពីភ្ញៀវម្នាក់ៗប្រើប្រាស់រួច។ លោក Justin ដែលជាប្រធានក្រុមហ៊ុន Natrl Dolls បានឆ្លើយតបនឹងសំនួរនេះ ដោយធ្វើជាការបង្ហោះជាវីដេអូស្ដែងប្រាប់ពីវិធីលាងសម្អាតឲ្យច្បាស់ក្រឡែតតែម្ដង។

លោក Justin បានរៀបរាប់បន្ថែមថា ការលាងសម្អាតចែកចេញជា ៣ផ្នែក ហើយផ្នែកនីមួយៗត្រូវដកចេញពីគ្នាជាមុនសិនទើបសម្អាតតាមក្រោយ។ ការលាងសម្អាតតុក្កតា១ចំណាយពេលចន្លោះពី ៤៥នាទី ទៅ ១ម៉ោង ដោយប្រើសាប៊ូកម្ចាត់បាក់តេរី និងសាប៊ូថ្នាំពេទ្យ បូករួមទាំងការបាញ់កាំរស្មីបំបាត់មេរោគផងដែរ។ អាយុកាលនៃតុក្កតាសិច១គ្រឿងអាចប្រើប្រាស់បានពី ៤ខែ ទៅ ៦ខែ។

ជាចុងក្រោយ លោក Justin បាននិយាយថា មនុស្សម្នាមិនគួរណាខ្មាសអៀនពេលទៅរកសេវាកម្មតុក្កតាសិចឡើយ ដោយសារការប្រើប្រាស់តុក្កតាបែបនេះនឹងជួយកាត់បន្ថយអត្រានៃការចាប់រំលោភ ការជួញដូរមនុស្ស និងការចម្លងជំងឺ ជាដើម៕