ធ្លាក់យន្តហោះឥណ្ឌូណេស៊ី! រកឃើញសាកសពអ្នកដំណើរ និងសញ្ញាប្រអប់ខ្មៅ

2021-01-10 05:15:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានភ្នាក់ងារស្រាវជ្រាវ និងសង្គ្រោះឥណ្ឌូណេស៊ី លោក Bagus Puruhito បានឱ្យដឹងនៅថ្ងៃទី១០ ខែមករា ឆ្នាំ២០២១នេះថា ក្រុមរបស់លោកបានរកឃើញបំណែកសាកសព និងកំណត់ឃើញសញ្ញាចំនួនពីរ ក្នុងនោះអាចជាប្រអប់ខ្មៅរបស់យន្តហោះដែលបានធ្លាក់ចូលសមុទ្រកាលពីម្សិលមិញ។

គួរដឹងថា យន្តហោះដឹកអ្នកដំណើររបស់ក្រុមហ៊ុនអាកាសចរណ៍ឥណ្ឌូណេស៊ី Sriwijaya ដែលដឹកមនុស្ស៦២នាក់ បានធ្លាក់ចូលក្នុងសមុទ្រជ្វា កាលពីថ្ងៃទី៩ ខែមករា ឆ្នាំ២០២១ បន្ទាប់ពីហោះចេញពីក្រុងហ្សាកាតា ឆ្ពោះទៅកាន់ក្រុងPontianak ដែលស្ថិតនៅលើកោះប៊័រណេអូ។ យន្តហោះនេះអាចនឹងធ្លាក់ក្នុងសមុទ្រនៅចន្លោះកោះ Laki និង Lancang ក្នុងតំបន់មួយដែលគេស្គាល់ថា កោះរាប់ពាន់ (Thousand Islands) ស្ថិតនៅប៉ែកពាយព្យនៃក្រុងហ្សាកាតា។

ក្រុមសង្គ្រោះនេះ ក៏បានរកឃើញកាបូបពីរដែលស្រង់ចេញពីសមុទ្រនេះផងដែរ។ កាបូបទីមួយមានផ្ទុកនូវទ្រព្យសម្បត្តិ និងខោអាវរបស់អ្នកដំណើរ និងកាបូបមួយទៀតមានផ្ទុកសាកសពមនុស្ស។ តែយ៉ាងណា គេកំពុងពិនិត្យបន្ថែមទៀតចំពោះកាបូបនេះ។