ភ្ញាក់ផ្អើល ពេលតម្លៃខ្លួនរបស់ Yang Mi បានវ៉ាមុខតម្លៃខ្លូនត្រចៀកកាំបាត់ទៅហើយ
- 2021-02-02 02:30:00
- ចំនួនមតិ 0 | ចំនួនចែករំលែក 0
ភ្ញាក់ផ្អើល ពេលតម្លៃខ្លួនរបស់ Yang Mi បានវ៉ាមុខតម្លៃខ្លូនត្រចៀកកាំបាត់ទៅហើយ
ចន្លោះមិនឃើញ
បណ្ដាញព័ត៌មានចិនទើបតែបញ្ចេញតួលេខតម្លៃខ្លួនរបស់តារាលំដាប់ S របស់វិស័យសិល្បៈចិន ដោយតារាងនេះបានធ្វើឲ្យអ្នកគាំទ្រមិនភ្ញាក់មិនបាន ព្រោះតារាសម្ដែងស្រី Yang Mi បានវ៉ាមុខរៀមច្បង Zhao Wei ហើយ។
កាលពីថ្ងៃទី ១ ខែកុម្ភៈកន្លងទៅនេះ បណ្ដាញព័ត៌មាន Sohu បានរាយការណ៍ទាក់ទងទៅនឹងតម្លៃខ្លួនរបស់កំពូលតារាសម្ដែងស្រី Zhao Wei និង Yang Mi ពេលស្រីស្អាតទាំង២នេះ ធ្វើជាអ្នកតំណាងឲ្យម៉ាកសម្លៀកបំពាក់មួយ។
យោងតាមប្រភពផ្ទៃក្នុងរបស់អ្នកក្នុងសិល្បៈ ទោះបីជាធ្វើតំណាងឲ្យប្រេនតែមួយក្ដី តែតម្លៃខ្លួនរបស់ តារាជើងចាស់ទាំង២មានភាពខុសគ្នា។ ខណៈមនុស្សជាច្រើនគិតថា តួរឿងព្រះនាងយេយេ ប្រាកដជាមានប្រៀបជាងតារាស្រករក្រោយនោះ ស្រាប់តែតួលេខបានធ្វើឲ្យគេភ្ញាក់ផ្អើលគ្រប់គ្នា។
ជាក់ស្ដែង សម្រាប់កុងត្រារយៈពេល៣ឆ្នាំ ធ្វើជាតំណាងឲ្យប្រេនមួយ Zhao Wei ទទួលបាន ១៥លានយាន់ ( ២លាន ៣០ម៉ឺនដុល្លារ)។ រីឯ Yang Mi វិញទទួលបានដល់ ១៧លានយាន់ (២លាន ៦០ម៉ឺនដុល្លារ)។ មនុស្សជាច្រើនបានលើកឡើងថា តម្លៃជាង២លានសម្រាប់កុងត្រា ៣ឆ្នាំ ចំពោះតារាជួរមុខទាំងនេះគឺមិនថ្លៃឡើយ។
បន្ថែមពីនេះ តួលេខដែល Zhao Wei ទទួលបានតិច Yang Mi គឺមិនមែននាងល្បីមិនស្មើតួរឿងនិស្ស័យស្នេហ៍ទេវតា៣ជាតិឡើយ ព្រោះតួលេខនេះ គឺខាង Zhao Wei អ្នកកំណត់ដោយផ្ទាល់។ ឯតួលេខដែល Yang Mi ទទួលបានគឺខាងក្រុមហ៊ុនអ្នកស្នើរចំពោះស្រីស្អាត ៣៤ឆ្នាំ៕