ពាក្យសន្យារបស់ បៃឌិន! ក្រោយចូលកាន់តំណែង១០០ថ្ងៃ ចាក់វ៉ាក់សាំង ១០០លាននាក់នោះ ឥឡូវយ៉ាងម៉េចហើយ?

2021-02-26 02:36:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក ចូ បៃឌិន បានថ្លែងនៅថ្ងៃទី២៥ ខែកុម្ភៈ ឆ្នាំ២០២១ថា ចាប់តាំងពីលោកចូលកាន់តំណែងកាលពីថ្ងៃទី២០ ខែមករា ឆ្នាំ២០២១ វ៉ាក់សាំងកូវីដ១៩ ត្រូវបានចាក់ជូនប្រជាពលរដ្ឋអាមេរិក ៥០លាននាក់។

មុនពិធីចូលកាន់តំណែង លោក បៃឌិន សន្យាថា នឹងចាក់វ៉ាក់សាំងជូនប្រជាពលរដ្ឋ ឱ្យ ១០០លាននាក់ ក្រោយពេលលោកចូលកាន់តំណែង ១០០ថ្ងៃ (ឬ១ថ្ងៃ ១លាននាក់) ខណៈបច្ចុប្បន្នជាមធ្យមក្នុងមួយថ្ងៃអាមេរិក ចាក់វ៉ាក់សាំងបានបានលើសពី១លាននាក់ទៅហើយ។ ដូច្នេះការសន្យារបស់លោកនឹងក្លាយជាការពិត។

លោក ចូ បៃឌិន ក្នុងពេលទៅទស្សនកិច្ចនៅរោងចក្រផលិតវ៉ាក់សាំងរបស់ក្រុមហ៊ុន Pfizer

យ៉ាងណាមិញ លោកប្រធានាធិបតី ព្រមានថា ក្តីសង្ឃឹមថានឹងវិលទៅរកជីវិតធម្មតាវិញ ស្ថិតលើផ្លូវវែងឆ្ងាយនៅឡើយ ពោលគឺនឹងប្រើរយៈពេលយូរទៀត។

បៃឌិន បញ្ជាក់ដូច្នេះថា៖ «ប្រជាជនចាក់វ៉ាក់សាំងកាន់តែច្រើន យើងក៏កាន់តែឆាប់ប្រយុទ្ធឈ្នះជំងឺរាតត្បាត។ យើងកំពុងសំដៅទៅទិសដៅត្រឹមត្រូវ បើទោះបីជាយើងបានទទួលមរតកដ៏រញ៉េរញ៉ៃពីរដ្ឋបាលមុនដែលគ្មានផែនការពិតប្រាកដក្នុងការចាក់វ៉ាក់សាំងឱ្យប្រជាជនអាមេរិកក៏ដោយ»។

យោងតាមទិន្នន័យរបស់មជ្ឈមណ្ឌលគ្រប់គ្រងជំងឺឆ្លងអាមេរិក (CDC) កាលពីថ្ងៃទី២៤ ខែកុម្ភៈ ឆ្នាំ២០២១ បង្ហាញថា សហរដ្ឋអាមេរិក បានចាក់វ៉ាក់សាំងកូវីដ១៩ បើគិតជាដូសវិញគឺមានចំនួនសរុបជាង ៦៦,៥លានដូសហើយ (អ្នកចាក់បាន១ដូស + អ្នកចាក់បាន ២ដូស)៕

ប្រភព៖ CNN