សម្តេច ហ៊ុន សែន ស្តីបន្ទោសខ្លាំងៗ ក្រោយយកកន្លែងមួយនេះ ធ្វើជាមណ្ឌលព្យាបាលកូវីដ១៩
- 2021-03-07 02:41:08
- ចំនួនមតិ 0 | ចំនួនចែករំលែក 0
សម្តេច ហ៊ុន សែន ស្តីបន្ទោសខ្លាំងៗ ក្រោយយកកន្លែងមួយនេះ ធ្វើជាមណ្ឌលព្យាបាលកូវីដ១៩
ចន្លោះមិនឃើញ
សម្តេចនាយករដ្ឋមន្រ្តី ហ៊ុន សែន បានស្តីបន្ទោសខ្លាំងៗចំពោះការយកមណ្ឌលចត្តាឡីស័ករាជធានីភ្នំពេញ ព្រែកព្នៅ ធ្វើជាកន្លែងព្យាបាលជំងឺកូវីដ១៩។
«កន្លែងចត្តាឡីស័ក ព្រែកព្នៅ គឺជាកន្លែងដែលត្រូវព្យាបាលទេ។ តាមដឹង កន្លែងហ្នឹងគឺថាអ្នកមិនឈឺ យកទៅកន្លែងហ្នឹងឈឺតែម្តង។ អ៊ីចឹងវាមិនអាចជាបានទេ»។
សម្តេចបានចេញបញ្ជាឱ្យយកសណ្ឋាគារ Great Duke (អតីតសណ្ឋាគារអ៊ីនធើខន) ដែលមានដល់ទៅ ៥០០បន្ទប់ ធ្វើជាកន្លែងព្យាបាល ពោលគឺត្រូវរើចេញពីមណ្ឌលចត្តាឡីស័ករាជធានីភ្នំពេញ ព្រែកព្នៅភ្លាមៗ។
«យើងបែរជាថាខ្វះនេះខ្វះនោះ ធ្វើស្អីក៏មិនចេញ អាចុងក្រោយនេះ ខ្ញុំឱ្យដើររៀបចំ ទៅជាទីចុងបំផុត ទៅយកអាកន្លែងមួយដែលមិនមែនសក្តិសមជាមន្ទីរពេទ្យ។ ខ្ញុំទទួលយកអត់បានទេ ការដឹកនាំបែបនេះ»។
ការស្តីបន្ទោសបែបនេះ ធ្វើឡើងក្រោយមានករណីអ្នកជំងឺកូវីដ១៩ ជាជនជាតិចិនម្នាក់បានស្លាប់ក្នុងពេលសម្រាកព្យាបាលនៅមណ្ឌលចត្តាឡីស័ករាជធានីភ្នំពេញ ព្រែកព្នៅ ប៉ុន្តែមិនមែនស្លាប់ដោយកូវីដ១៩ទេ ពោលគឺស្លាប់ដោយសភាព រើមេថ្នាំញៀនធ្ងន់ធ្ងរ បណ្តាលឱ្យគាំងបេះដូង កាលពីព្រឹកថ្ងៃទី៤ ខែមីនា ឆ្នាំ២០២១៕