សម្តេច ហ៊ុន សែន ប្រកាសផែនការចាក់វ៉ាក់សាំងឱ្យបាន ១លានដូស ក្នុង១ខែ
- 2021-03-29 05:18:35
- ចំនួនមតិ 0 | ចំនួនចែករំលែក 0
សម្តេច ហ៊ុន សែន ប្រកាសផែនការចាក់វ៉ាក់សាំងឱ្យបាន ១លានដូស ក្នុង១ខែ
ចន្លោះមិនឃើញ
សម្តេច ហ៊ុន សែន បានប្រកាសតាមសារជាសំឡេងនៅថ្ងៃទី២៩ ខែមីនា ឆ្នាំ២០២១នេះថា តាមផែនការរបស់រាជរដ្ឋាភិបាល គឺមានបំណងចាក់វ៉ាក់សាំងបង្ការជំងឺកូវីដ១៩ ឱ្យបាន ១លានដូស ក្នុង១ខែ។
សម្តេចតេជោ បញ្ជាក់ថា វ៉ាក់សាំងកូវីដ១៩ ដែលជាជំនួយ និងជាការទិញរបស់កម្ពុជា នឹងមកដល់ជាបន្តបន្ទាប់នាពេលខាងមុខនេះ។
ជាមួយគ្នានេះ សម្តេចនាយករដ្ឋមន្រ្តី បានបញ្ជាឱ្យបណ្តាអភិបាលខេត្ត ត្រៀមរៀបចំការចាក់វ៉ាក់សាំងជាទ្រង់ទ្រាយធំនេះ ពោលគឺត្រូវទទួលខុសត្រូវលើការស្នាក់នៅសម្រាប់ក្រុមគ្រូពេទ្យ នៅតាមផ្ទះសំណាក់ និងសណ្ឋាគារ។
សូមជម្រាបថា កម្ពុជាទើបតែទទួលបានវ៉ាក់សាំងកូវីដ១៩របស់ក្រុមហ៊ុនចិន Sinovac ចំនួន ១,៥លានដូសកាលពីថ្ងៃទី២៦ ខែមីនា ឆ្នាំ២០២១ ដែលកម្ពុជាបានបញ្ជាទិញក្នុងតម្លៃ ១៥លានដុល្លារ។ តាមគម្រោង នៅថ្ងៃទី៣១មីនា វ៉ាក់សាំង Sinopharm ចំនួន៧០ម៉ឺនដូសទៀតដែលជាជំនួយរបស់ចិន នឹងមកដល់កម្ពុជាផងដែរ៕