ប្រកួត EURO ខាងមុខ នឹងអនុញ្ញាតឱ្យអ្នកគាំទ្រចូលទស្សនា ខណៈប្រទេសអឺរ៉ុបចាក់វ៉ាក់សាំងបានច្រើន

2021-04-12 08:50:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

UEFA បានប្រកាសថា កីឡដ្ឋាន៨ ក្នុងចំណោម ១២កីឡដ្ឋាន បានបញ្ជាក់ថា នឹងបើកឱ្យអ្នកគាំទ្រចូលទស្សនា ពី២៥% ទៅ ១០០% ក្នុងការប្រកួតពានរង្វាន់ EURO 2020 ដែលធ្វើឡើងពីខែមិថុនា ដល់ខែកក្កដា ២០២១ខាងមុខនេះ។

UEFA លើកឡើងថា ការបើកឱ្យចូលទស្សនានៅកីឡដ្ឋានទាំងនោះ ដោយសារតែការចាក់វ៉ាក់សាំងបានច្រើន ផែនការបើកសេដ្ឋកិច្ចឡើងវិញ និងការរំពឹងទុកថា នឹងមានការធ្លាក់ចុះនៃជំងឺរាតត្បាតកូវីដ១៩។

កីឡដ្ឋានទាំង៨នោះរួមមាន៖

១. កីឡដ្ឋានក្នុងក្រុង St. Petersburg ប្រទេសរុស្ស៊ី៖ គ្រោងឱ្យអ្នកគាំទ្រចូលទស្សនា ៥០%

២. កីឡដ្ឋានក្នុងក្រុង Budapest ប្រទេសហុងគ្រី៖ គ្រោងឱ្យអ្នកគាំទ្រចូលទស្សនា ១០០% (ពេញកីឡដ្ឋានតែម្តង)

៣. កីឡដ្ឋានក្នុងក្រុង Baku ប្រទេសអាហ្ស៊ែបៃហ្សង់៖ គ្រោងឱ្យអ្នកគាំទ្រចូលទស្សនាបាន ៥០%

៤. កីឡដ្ឋានក្នុងក្រុង Amsterdam ប្រទេសហូឡង់, ៥. កីឡដ្ឋានក្នុងក្រុង Bucharest ប្រទេសរូម៉ានី, ៦. កីឡដ្ឋានក្នុងក្រុង Copenhagen ប្រទេសដាណឺម៉ាក, ៧. កីឡដ្ឋានក្នុងក្រុង Glasgow ប្រទេសស្កុតលែន និង៨. កីឡដ្ឋានក្នុងក្រុង London ប្រទេសអង់គ្លេស ៖ គ្រោងឱ្យអ្នកគាំទ្រចូលទស្សនាពី ២៥ ទៅ ៣៣%៕

ប្រភព៖ UEFA