WHO មិនគាំទ្រចំពោះការមិនធ្វើចត្តាឡស័ករបស់អ្នកដំណើរដែលចាក់វ៉ាក់សាំងរួចនោះទេ
- 2021-04-20 03:00:36
- ចំនួនមតិ 0 | ចំនួនចែករំលែក 0
WHO មិនគាំទ្រចំពោះការមិនធ្វើចត្តាឡស័ករបស់អ្នកដំណើរដែលចាក់វ៉ាក់សាំងរួចនោះទេ
ចន្លោះមិនឃើញ
អង្គការសុខភាពពិភពលោក (WHO) បានច្រានចោលចំពោះការបើកឱ្យភ្ញៀវដែលកាន់លិខិតឆ្លងដែនវ៉ាក់សាំង ឬអ្នកចាក់វ៉ាក់សាំងរួច ចូលក្នុងប្រទេសដោយមិនចាំបាច់ធ្វើចត្តាឡីស័ក ឬកាត់បន្ថយចំនួនថ្ងៃ។
គណៈកម្មាធិការសង្គ្រោះបន្ទាន់របស់ WHO បានលើកឡើងក្នុងកិច្ចប្រជុំកាលពីថ្ងៃទី១៩ ខែមេសា ឆ្នាំ២០២១ ដោយបង្ហាញពីការជំទាស់នូវលិខិតឆ្លងដែនវ៉ាក់សាំងនេះ ដោយសារតែមកដល់ពេលនេះ មិនទាន់ភស្តុតាងដែលបញ្ជាក់ថា អ្នកចាក់វ៉ាក់សាំងហើយដែលមានវិជ្ជមានកូវីដ១៩ មិនចម្លងទៅអ្នកដទៃនោះទេ។
ជំនួសមកវិញ WHO បានផ្តល់អនុសាសន៍ថា បណ្តាប្រទេសនានា គួរបន្តដាក់វិធានការចត្តាឡីស័កចំពោះអ្នកដំណើរ។
ការមិនគាំទ្រខាងលើនេះ ក៏ធ្វើឡើងខណៈដែលកម្មវិធីចាក់វ៉ាក់សាំងមានគម្លាតគ្នាខ្លាំងរវាងប្រទេសអ្នកមាន និងប្រទេសអ្នកក្រ។ ដូច្នេះបើអនុវត្តនូវលិខិតឆ្លងដែនវ៉ាក់សាំងទៀតនោះ នឹងរឹតតែមានការរើសអើងបន្ថែមទៀត៕