សម្តេច ហ៊ុន សែន ហាមមិនឱ្យមានអ្នកជូនដំណើរសម្តេចឡើងយន្តហោះទៅឥណ្ឌូណេស៊ីឡើយ
- 2021-04-20 03:32:09
- ចំនួនមតិ 0 | ចំនួនចែករំលែក 0
សម្តេច ហ៊ុន សែន ហាមមិនឱ្យមានអ្នកជូនដំណើរសម្តេចឡើងយន្តហោះទៅឥណ្ឌូណេស៊ីឡើយ
ចន្លោះមិនឃើញ
សម្តេចនាយករដ្ឋមន្រ្តី ហ៊ុន សែន បានប្រាប់ឱ្យដឹងថា សម្តេចមិនឱ្យមានអ្នកជូនដំណើរសម្តេចឡើងយន្តហោះទៅចូលរួមកិច្ចប្រជុំកំពូលនៅឥណ្ឌូណេស៊ី នាថ្ងៃទី២៤ ខែមេសា ឆ្នាំ២០២១ខាងមុខនេះឡើយ ដើម្បីបង្ការជំងឺកូវីដ១៩។
ក្នុងការថ្លែងជាសារសំឡេងនាព្រឹកថ្ងៃទី២០ មេសានេះ សម្តេចតេជោបញ្ជាក់ដូច្នេះថា៖
«ដោយសារតែបញ្ហាកូវីដ ក៏ដូចជាយើងកំពុងបិទទីក្រុងភ្នំពេញផង ការចេញដំណើររបស់ខ្ញុំលើកនេះ ចេញទៅក្រៅប្រទេស ពុំមានការចាំបាច់ជូនដំណើរពីសំណាកសម្តេច ឯកឧត្តម លោកជំទាវ ដូចពេលមុននោះទេ។ ហេតុផលគឺងាយយល់ ត្រង់ថាយើងកំពុងបិទទីក្រុង នេះទីមួយ។ ទីពីរគឺបញ្ហាកូវីដ គឺជាបញ្ហាសំខាន់ នៅត្រង់ថា ខ្ញុំធ្វើដំណើរទៅ គឺត្រឡប់មកវិញត្រូវធ្វើចត្តាឡីស័ក។ អ៊ីចឹងប្រសិនបើទៅទទួលខ្ញុំ ក៏អាចត្រូវធ្វើចត្តាឡីស័កដូចគ្នា។»
សម្តេចបន្ថែមថា ពេលត្រឡប់មកវិញ ក៏មិនចាំបាច់មានអ្នកទៅទទួល ហើយក៏ពុំមានការធ្វើសន្និសីទកាសែតដូចពេលមុនៗដែរ ប៉ុន្តែជំនួសមកវិញ ដោយការយកសំណាក។ ចំណែកអ្នកសារព័ត៌មាន ត្រូវទៅនៅឱ្យឆ្ងាយៗ ដើម្បីចៀសវាងការធ្វើចត្តាឡីស័ក៕