វ៉ាក់សាំង Sinovac ដែលចាក់នៅឈីលី មានប្រសិទ្ធភាពទប់មិនឱ្យឆ្លងកូវីដតែ ៦៧%

2021-04-20 06:50:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការចាក់វ៉ាក់សាំង Sinovac នៅក្នុងប្រទេសឈីលី បង្ហាញថា វ៉ាក់សាំងនេះមានប្រសិទ្ធភាព ៦៧% ក្នុងការបង្ការមិនឱ្យឆ្លងកូវីដ១៩, ៨៥% ជួយទប់ដោយមិនចាំបាច់បញ្ជូនទៅមន្ទីរពេទ្យ, ៨៩% ទប់ស្កាត់ភាពធ្ងន់ធ្ងរ និង ៨០% ទប់មិនឱ្យស្លាប់។ នេះបើតាមការសិក្សាថ្មីចេញផ្សាយដោយរដ្ឋាភិបាលឈីលីកាលពីចុងសប្តាហ៍កន្លងទៅ។

លោក Andres Couve រដ្ឋមន្រ្តីក្រសួងវិទ្យាសាស្រ្ត បច្ចេកវិទ្យា ចំណេះដឹង និងនវានុវត្តន៍ បានថ្លែងក្នុងសន្និសីទកាសែតកាលពីថ្ងៃទី១៨មេសាថា ទិន្នន័យនេះគឺជាការបង្ហាញពីប្រសិទ្ធភាពរបស់វ៉ាក់សាំង Sinovac និងជាការជំរុញទឹកចិត្ត។

លោកបន្តថា កម្មវិធីចាក់វ៉ាក់សាំងនៅក្នុងប្រទេសឈីលី កំពុងដំណើរការយ៉ាងល្អប្រសើរ ដែលមានមនុស្សជាង ៥លាននាក់ហើយ បានចាក់គ្រប់២ដូស។ ត្រឹមពាក់កណ្តាលឆ្នាំនេះ មនុស្សប្រមាណ ១៥លាននាក់ នឹងទទួលបានការចាក់វ៉ាក់សាំង។

ឈីលី បានចាប់ផ្តើមកម្មវិធីចាក់វ៉ាក់សាំងកូវីដ១៩ នៅថ្ងៃទី៣កុម្ភៈ ២០២១។ មនុស្សជាង ៧,៦លាននាក់ក្នុងប្រទេសនេះ បានចាក់វ៉ាក់សាំងយ៉ាងហោចណាស់បាន ១ដូសហើយ ក្នុងនោះ ៩០% ចាក់ Sinovac៕

ចុចអាន៖

ប្រភព៖ CGTN