នៅថៃ អ្នកចាក់ AstraZeneca តែ១ដូសប៉ុណ្ណោះ តែបង្កើតភាពសុំាដល់ ៩៦,៧% ប្រឆាំងកូវីដ១៩
- 2021-05-03 07:41:41
- ចំនួនមតិ 0 | ចំនួនចែករំលែក 0
នៅថៃ អ្នកចាក់ AstraZeneca តែ១ដូសប៉ុណ្ណោះ តែបង្កើតភាពសុំាដល់ ៩៦,៧% ប្រឆាំងកូវីដ១៩
ចន្លោះមិនឃើញ
អ្នកជំនាញនៅសាកលវិទ្យាល័យជូឡាឡុងកន ប្រទេសថៃ បានសិក្សាឃើញថា អ្នកដែលចាក់វ៉ាក់សាំងដូសទី១រួច គឺបង្កើតប្រព័ន្ធភាពសុំាដល់ទៅ ៩៦,៧% ប្រឆាំងនឹងវីរុសកូវីដ១៩។
យ៉ាងណាមិញ ការសិក្សានេះ គឺធ្វើឡើងទៅលើមនុស្សចំនួន៦១នាក់តែប៉ុណ្ណោះ ដោយមជ្ឈមណ្ឌល Excellence ក្នុងផ្នែក Clinical Virology នៃសាកលវិទ្យាល័យជូឡាឡុងកន ដឹកនាំដោយលោកវេជ្ជបណ្ឌិត Yong Poovorawan។
លោកវេជ្ជបណ្ឌិតឱ្យដឹងថា មជ្ឈមណ្ឌលនេះនឹងធ្វើការសិក្សាបន្ថែមទៀតលើមនុស្សដែលបានចាក់វ៉ាក់សាំង AstraZeneca ដូសទី២រួច។
គិតមកដល់ពេលនេះ វ៉ាក់សាំងប្រមាណជាង ១,៤៨លានដូសត្រូវបានចាក់ជូនប្រជាជនថៃ ក្នុងនោះ ១,០៩លាននាក់បានចាក់ដូសទី១ និង ជាង ៣៨ម៉ឺននាក់បានចាក់ដូសទី២។ វ៉ាក់សាំងដែលថៃកំពុងចាក់គឺ AstraZeneca និង Sinovac៕