វ៉ាក់សាំងកូវីដដែលទើបផលិតបាននៅថៃ ត្រូវខកពេលបញ្ជូនទៅហ្វីលីពីន
- 2021-06-03 06:10:28
- ចំនួនមតិ 0 | ចំនួនចែករំលែក 0
វ៉ាក់សាំងកូវីដដែលទើបផលិតបាននៅថៃ ត្រូវខកពេលបញ្ជូនទៅហ្វីលីពីន
ចន្លោះមិនឃើញ
វ៉ាក់សាំងកូវីដ១៩ AstraZeneca ដែលទើបផលិតបានដំបូងនៅប្រទេសថៃ គឺនឹងត្រូវពន្យារពេលក្នុងការបញ្ជូនទៅហ្វីលីពីន ពោលគឺគ្រោងនឹងបញ្ជូនទៅនៅសប្តាហ៍ទី៣ ខែមិថុនា តែត្រូវពន្យារពេលទៅពាក់កណ្តាលខែកក្កដា ឆ្នាំ២០២១។
លោក Joey Concepcion ទីប្រឹក្សាប្រធានាធិបតីហ្វីលីពីន ដែលទទួលខុសត្រូវលើការទិញវ៉ាក់សាំងនេះ បានឱ្យដឹងថា ការបញ្ជូនវ៉ាក់សាំងនេះ មិនត្រឹមតែលើកពេលនោះទេ ប៉ុន្តែចំនួនក៏កាត់បន្ថយផងដែរពីចំនួនដំបូង ១,៣លានដូស មកត្រឹម ១,១៧លានដូស។
យ៉ាងណាមិញ លោកមិនបញ្ជាក់ពីមូលហេតុនៃការពន្យារពេលនេះទេ ដោយគ្រាន់តែលើកឡើងថា «វាគឺជារោងចក្រថ្មីមួយដែលកំពុងដំណើរការ ដូច្នេះវាប្រហែលជាមានបញ្ហាខ្លះ នៅពេលអ្នកចាប់ផ្តើមរោងចក្រថ្មី»។
សូមជម្រាបថា វ៉ាក់សាំងនេះគឺក្រុមហ៊ុនថៃ Siam Bioscience ទទួលបានអាជ្ញាបណ្ណផលិតពីក្រុមហ៊ុនអង់គ្លេស AstraZeneca។ កាលពីថ្ងៃទី២មិថុនាម្សិលមិញ ក្រុមហ៊ុនបានដឹកជញ្ជូនវ៉ាក់សាំងចេញពីរោងចក្រជាលើកដំបូង ឱ្យរដ្ឋាភិបាលថៃ សម្រាប់យុទ្ធនាការចាក់វ៉ាក់សាំងក្នុងប្រទេសនេះ៕