យកសំណាកខ្លួនឯង ហើយតេស្តឃើញវិជ្ជមានកូវីដ តើត្រូវធ្វើយ៉ាងម៉េចទៀត?

2021-07-08 07:01:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បុគ្គលដែលមានការសង្ស័យថាអាចមានឆ្លងជំងឺកូវីដ១៩ អាចប្រើប្រាស់តេស្តរហ័សរកអង់ទីហ្សែនកូវីដ១៩ ដោយខ្លួនឯង ដោយត្រូវអនុវត្តឱ្យបានត្រឹមត្រូវតាមវិធីសាស្រ្តនៃការប្រើប្រាស់ និងការគ្រប់គ្រងកាកសំណល់របស់តេស្តរហ័សរកអង់ទីហ្សែនកូវីដ១៩ និងត្រូវអនុវត្តតាមគោលការណ៍ណែនាំសុវត្ថិភាពផ្នែកសុខាភិបាល ដើម្បីចៀសវាងការចម្លងមេរោគកូវីដ១៩ ជាយថាហេតុ។

សាមីខ្លួនដែលបានធ្វើតេស្តរកមេរោគកូវីដ១៩ ដោយខ្លួនឯង ហើយបានរកឃើញវិជ្ជមានកូវីដ១៩ មានកាតព្វកិច្ចជូនដំណឹងទៅមន្រ្តីសុខាភិបាល ឬអាជ្ញាធរមានសមត្ថកិច្ចពាក់ព័ន្ធដែលនៅជិតបំផុត ឬទាក់ទងទៅខ្សែទូរសព្ទ (Hotline) លេខ ១២២២ សម្រាប់ភូមិសាស្រ្តរាជធានីភ្នំពេញ ដើម្បីអនុវត្តនីតិបន្តទាក់ទងនឹងការព្យាបាល ដើម្បីទទួលបាននូវសេវាព្យាបាលនៅមន្ទីរពេទ្យព្យាបាលជំងឺកូវីដ១៩ ឬមណ្ឌលព្យាបាលជំងឺកូវីដ១៩ ឬអនុវត្តគោលការណ៍នៃការព្យាបាលនៅតាមផ្ទះ យោងតាមការវាយតម្លៃកត្តាពាក់ព័ន្ធ ដោយមន្រ្តីសុខាភិបាល។

ចំពោះបុគ្គលដែលត្រូវបានរកឃើញថាអវិជ្ជមានកូវីដ១៩ និងក្នុងករណីដែលតម្រូវឱ្យធ្វើចត្តាឡីស័ក ត្រូវអនុវត្តតាមគោលការណ៍ណែនាំ និងវិធានផ្នែកសុខាភិបាលជាធរមាន៕

ប្រភព៖ គោលការណ៍ណែនាំប្រតិបត្តិស្តីពី ការប្រើប្រាស់តេស្តរហ័សរកអង់ទីហ្សែនកូវីដ១៩ សម្រាប់គ្រឹះស្ថានសុខាភិបាលឯកជន ស្ថាប័ននិងអង្គភាពរដ្ឋមិនមែនសុខាភិបាល, បណ្តាច្រកទ្វារចេញ-ចូលប្រទេស, ក្រុមហ៊ុនឯកជន រោងចក្រ-សហគ្រាស និងទីកន្លែអាជីវកម្មផ្សេងទៀត និងសម្រាប់បុគ្គលឯកជន