Ronaldo ត្រូវបានស្ថាបនិកពាន Ballon d'Or រំពឹងឈ្នះពាននេះជាថ្មី

2017-05-11 09:39:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទស្សនាវដ្ដី France Football ដែលជាស្ថានិកពានរង្វាន់ Ballon d'Or បានចុះផ្សាយពី Cristiano Ronaldo នៅទំព័រខាងមុខរបស់ខ្លួន ជាមួយប្រយោគមួយថា "តើមាននរណាអាចផ្ដួលរូបគេបាន?”។ ការចុះផ្សាយនេះ បានបង្កជាចម្ងល់ថា ខ្សែប្រយុទ្ធឆ្នើមរបស់ Real Madrid រូបនេះ អាចនឹងឈ្នះពានរង្វាន់នេះជាលើកទី៥ ក្នុងអាជីពរបស់គេ។

រូបភាព Ronaldo នៅលើទំព័រមុខរបស់ទស្សនាវដ្ដី France Football

កីឡាករព័រទុយហ្គាល់រូបនេះ បានឈ្នះពានរង្វាន់ Ballon d'Or ចុងក្រោយ និងជាពានទី៤ កាលពីឆ្នាំ២០១៦ បន្ទាប់ពីជួយ Real Madrid ឲ្យបានគ្រងជើងឯក Champions League រដូវកាលកន្លងទៅ និងជ្រោមជ្រែងឲ្យក្រុមជម្រើសជាតិព័រទុយហ្គាល់ ឈ្នះពាន EURO 2016 ។ ពាន Ballon d'Or ទី៤ របស់ Ronaldo ក៏បានធ្វើឲ្យរូបគេតាមពីក្រោយខ្សែប្រយុទ្ធ Lionel Messi របស់ Barcelona ដែលឈ្នះពានដដែលចំនួន ៥លើកផងដែរ។

Ronaldo ដែលមានវ័យ ៣២ឆ្នាំ នឹងកាន់តែមានសង្ឃឹមខ្ពស់ ក្នុងការក្លាយជាម្ចាស់ពាន Ballon d'Or ឆ្នាំ២០១៧ ប្រសិនបើរូបគេអាចរួមចំណែក ជួយឲ្យ Real Madrid លើកពាន Champions League ឆ្នាំនេះ និងពានលីគកំពូលអេស្ប៉ាញ គឺ LaLiga រដូវកាល២០១៦-១៧។

គួរបញ្ជាក់ថា ទស្សនាវដ្ដី France Football បានសម្លឹងឃើញកីឡាករ ៣នាក់ផ្សេងទៀតក្នុងការប្រកួតប្រជែងពានខាងលើជាមួយ Ronaldo នាពេលបច្ចុប្បន្ន រួមមាន អ្នកចាំទី Buffon របស់ Juventus, ខ្សែប្រយុទ្ធ Antoine Griezmann របស់ Atletico Madrid និងខ្សែប្រយុទ្ធ Kylian Mbappe របស់ Monaco៕

ប្រភព៖ The Sun ប្រែសម្រួល៖ លាភ.