មេរោគថ្មីលើ Android កំពុងវាយលុកឧបករណ៍ផ្សេងៗជិត ៤០លានគ្រឿង
- 2017-05-30 02:25:50
- ចំនួនមតិ 0 | ចំនួនចែករំលែក 0
មេរោគថ្មីលើ Android កំពុងវាយលុកឧបករណ៍ផ្សេងៗជិត ៤០លានគ្រឿង
ចន្លោះមិនឃើញ
ថ្មីៗនេះ ក្រុមហ៊ុនស្រាវជ្រាវ Checkpoint បានរកឃើញមេរោគឆ្លងតាមប្រព័ន្ធអ៊ីនធឺណិតមួយ ឈ្មោះថា “Judy” ដែលឆ្លងចូលឧបករណ៍ប្រើប្រាស់ដំណើរការដោយ Android តាមរយៈការបង្ហាញជាទម្រង់ Ad ផ្សព្វផ្សាយ សម្រាប់ទាក់ទាញការចុច Click។
Checkpoint បានឲ្យដឹងថា មេរោគនេះត្រូវបានបង្កប់ក្នុង App មួយចំនួនដែលមានក្នុង Google Play Store ហើយទំនងជាឆ្លងទៅលើឧបករណ៍ចន្លោះពី ៨,៥ ទៅ ៣៦,៥ លានគ្រឿង។ វាជាមេរោគដែលរីករាលដាលខ្លាំងបំផុតនៅក្នុង Store ផ្លូវការរបស់ Android ។
យោងតាមការពន្យល់របស់ក្រុមហ៊ុនដដែល បានបន្ថែមថា Judy ដែលអភិវឌ្ឍដោយក្រុមហ៊ុនកូរ៉េមួយ មានមុខងារក្លែងបន្លំដើម្បីទទួលបានការចុច Click ដែលបង្កជាការទាញយកប្រាក់ពីអ្នកប្រើប្រាស់ សម្រាប់អ្នកបង្កើតវាឡើង៕