រកឃើញក្រុមបង្កើតមេរោគ WannaCry ចេញពីកូរ៉េខាងជើង

2017-06-16 08:53:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មជ្ឈមណ្ឌលសន្តិសុខតាមប្រព័ន្ធអ៊ីនធឺណិតជាតិចក្រភពអង់គ្លេស ឬ ហៅកាត់ NCSC មានជំនឿថា ក្រុម Hacker ដែលស្ថិតនៅពីក្រោយការវាយប្រហារលើកុំព្យូទ័ររបស់ស្ថាប័នអង្គការជាច្រើនជុំវិញពិភពលោក កាលពីខែមុន គឺមានប្រភពពីកូរ៉េខាងជើង។

NCSC បានអះអាងថា ក្រុម Hacker នោះមានឈ្មោះថា Lazarus ដែលធ្លាប់ Hack ក្រុមហ៊ុន Sony Pictures កាលពីឆ្នាំ២០១៤ បន្ទាប់ពីក្រុមហ៊ុននេះបានផលិតនិងបានចាក់ផ្សាយខ្សែភាពយន្តរឿង "The Interview” ។ រឿងនេះនិយាយអំពីការដឹកនាំនៅកូរ៉េខាងជើង ដែលសម្ដែងតួឯកដោយ Seth Rogen ។

ដោយឡែក កាលពីខែឧសភាកន្លងទៅ មេរោគ WannaCry ដែលជាប្រភេទមេរោគលើអ៊ីនធឺណិតធំលើពិភពលោក បានរីករាលដាលធ្វើឲ្យកុំព្យូទ័រជាច្រើនគ្រឿងជាប់គាំង ហើយវាបានទាមទារឲ្យអ្នកប្រើប្រាស់បង់ប្រាក់ឲ្យក្រុម Hacker ទាំងនោះ។ ក្នុងនោះសេវាកម្មសុខភាពជាតិ (NHS) របស់អង់គ្លេស បានទទួលរងការប៉ះពាល់នេះធ្ងន់ធ្ងរជាងគេ។

ការស្រាវជ្រាវស្វែងរកប្រភពរបស់ក្រុម Hacker ត្រូវបានសហការគ្នាពីអ្នកស្រាជ្រាវផ្នែកសន្ដិសុខអ៊ីនធឺណិតជុំវិញពិភពលោក BAE ដឹកនាំដោយលោក Adian Nish ៕