ក្រុមជើងឯកលីគកំពូលកម្ពុជា នឹងបានទៅលេង AFC Cup វគ្គ Group Stage ដោយស្វ័យប្រវត្តិ

2017-12-18 07:40:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមដែលបានឈ្នះជើងឯកលីគកំពូលកម្ពុជា ឆ្នាំ២០១៧ នេះ នឹងបានលេងវគ្គសន្សំពិន្ទុតាមពូល (Group Stage) នៃពានរង្វាន់ទ្វីបអាស៊ី AFC Cup 2018 ដោយស្វ័យប្រវត្តិ ដោយមិនចាំបាច់ឆ្លងកាត់វគ្គជម្រុះ ឬវគ្គ Play Off នោះទេ។ នេះបើតាមការឲ្យដឹងពីគណៈកម្មការប្រកួតបាល់ទាត់ជាតិកម្ពុជា (CNCC) នៅរសៀលថ្ងៃទី១៨ ខែធ្នូនេះ។

ក្រុមបឹងកេត ដែលកំពុងរង់ចាំនៅវគ្គផ្តាច់ព្រ័ត្រនៃពានរង្វាន់លីគកម្ពុជា

ការប្រកួតវគ្គ Group Stage ដំបូងរបស់ក្រុមជើងឯកកម្ពុជា នឹងប៉ះក្រុមរបស់ហ្វីលីពីននៅថ្ងៃទី១៣ ខែកុម្ភៈ ឆ្នាំ២០១៨ នៅប្រទេសហ្វីលីពីន។

គួររំលឹកថា ក្រុមបឹងកេត ដែលជាជើងឯកលីគកំពូលកម្ពុជា ឆ្នាំ២០១៦ បានលេងនៅវគ្គ Group Stage នៃពានរង្វាន់ AFC Cup 2017 ផងដែរ។ ប៉ុន្តែមុនមកដល់វគ្គនេះ បឹងកេត ត្រូវលេងនៅវគ្គ Play Off ជាមួយក្រុមឡាវ Lao Toyota ដោយបានយកឈ្នះ ២-១ (សរុបទាំង២ជើង)។

គួរបញ្ជាក់ផងដែរថា លីគកំពូលកម្ពុជា នៅសល់តែក្រុម ៤ ប៉ុណ្ណោះ ដែលនៅមានឱកាសប្រជែងយកតំណែងជើងឯក ដែលមាន បឹងកេត ព្រះខ័នរាជស្វាយរៀង ណាហ្គាវើល និងក្រសួងការពារជាតិ៕