សង្ខេបព្រឹត្តិការណ៍នយោបាយជាតិសំខាន់ៗប្រចាំសប្តាហ៍

2018-11-04 08:19:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

[ខ្លីៗ] សូមលើកយកព្រឹត្តិការណ៍នយោបាយជាតិសំខាន់ៗ ដែលកើតមានឡើងក្នុងសប្តាហ៍នេះ មកបង្ហាញជូនដូចខាងក្រោម។

១. មេធាវី ស្នើសុំឱ្យដោះស្រាយតាមផ្លូវនយោបាយ ដើម្បីដោះលែងលោក កឹម សុខា

លោកមេធាវី ផែង ហេង មានប្រសាសន៍កាលពីថ្ងៃទី២៩ ខែតុលា ឆ្នាំ២០១៨ថា សំណុំរឿងលោក កឹម សុខា គឺទាក់ទងនឹងរឿងនយោបាយ ដែលរឿងនេះលោកទទួចឲ្យអ្នកនយោបាយនៃគណបក្សទាំងពីរដោះស្រាយតាមផ្លូវនយោបាយដូចដែលអ្នកនយោបាយខ្មែរធ្លាប់បានធ្វើ ឬដោះស្រាយកន្លងមក។ លោក កឹម សុខា ត្រូវបានតុលាការសម្រេចដោះលែងចេញពីពន្ធនាគារត្រពាំងផ្លុង ហើយត្រូវបានដឹកមកដល់គេហដ្ឋានលោកវិញ ក្នុងរាជធានីភ្នំពេញ កាលពីថ្ងៃទី១០ ខែកញ្ញា ឆ្នាំ២០១៨។

ចុចអានលម្អិត

២. សម្តេច ហ៊ុន សែន នឹងអញ្ជើញទៅក្រៅប្រទេសយ៉ាងតិច៣ដងទៀត នៅចុងឆ្នាំនេះ

ថ្លែងក្នុងពិធីសំណេះសំណាលជាមួយកម្មករជាង ៦ពាន់នាក់ នៅស្រុកមុខកំពូល ខេត្តកណ្តាល កាលពីថ្ងៃទី៣១តុលា ឆ្នាំ២០១៨ សម្តេច ហ៊ុន សែន បញ្ជាក់ថា សម្តេចនឹងចេញទៅចូលរួមកិច្ចប្រជុំអន្តរជាតិ និងធ្វើទស្សនកិច្ចក្រៅប្រទេស យ៉ាងតិចចំនួន ៣ដងទៀត នៅចុងឆ្នាំ២០១៨នេះ។ ទី១. សិង្ហបុរី (កិច្ចប្រជុំកំពូលអាស៊ាន), ទី២. នេប៉ាល់ (ទស្សនកិច្ច និងកិច្ចប្រជុំអន្តរជាតិ) និងទី៣. ឡាវ (ទស្សនកិច្ច និងកិច្ចប្រជុំ)។

ចុចអានលម្អិត

៣. បក្សមូលដ្ឋាន ប្រកាសមិនគាំទ្រការដក EBA របស់ EU ឡើយ

កាលពីថ្ងៃទី៣១ ខែតុលា ឆ្នាំ២០១៨ គណបក្សប្រជាធិបតេយ្យមូលដ្ឋាន ប្រកាសថា ខ្លួនមិនគាំទ្រនូវការដកប្រព័ន្ធអនុគ្រោះពន្ធ EBA របស់សហភាពអឺរ៉ុបឡើយ។ បក្សនេះ បានស្នើឱ្យមានការចរចារវាងភាគីពាក់ព័ន្ធ ពិសេសរាជរដ្ឋាភិបាលកម្ពុជា និងតំណាង EU ក្នុងការរកដំណោះស្រាយសមស្របណាមួយ ដើម្បីធានាបាននូវសមត្ថភាពប្រកួតប្រជែងរបស់វិស័យឯកជន និងចៀសវាងនូវហានិភ័យចំពោះសេដ្ឋកិច្ចជាតិ និងការងាររបស់ប្រជាពលរដ្ឋ។

ចុចអានលម្អិត

៤. បោះឆ្នោតជ្រើសរើសក្រុមប្រឹក្សារាជធានី-ខេត្ត-ក្រុង-ស្រុក-ខណ្ឌ លើកទី៣ នឹងធ្វើឡើងនៅក្នុងខែឧសភា ឆ្នាំ២០១៩

សេចក្តីសម្រេចដែលចុះហត្ថលេខាដោយសម្តេចនាយករដ្ឋមន្រ្តី ហ៊ុន សែន កាលពីថ្ងៃទី៣០ ខែតុលា ឆ្នាំ២០១៨ ឱ្យដឹងថា រាជរដ្ឋាភិបាលកម្ពុជា បានកំណត់យកថ្ងៃអាទិត្យទី២៦ ខែឧសភា ឆ្នាំ២០១៩ ជាកាលបរិច្ឆេទ នៃការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក និងក្រុមប្រឹក្សាខណ្ឌ លើកទី៣។

ចុចអានលម្អិត

អត្ថបទ៖ សំភី