លោក ស៊ី ជិនពីង និងលោក ពូទីន អួតពីទំនាក់ទំនងប្រទេសខ្លួនទាំង២ ទៅកាន់ពិភពលោក
- 2019-06-07 07:03:49
- ចំនួនមតិ 0 | ចំនួនចែករំលែក 0
លោក ស៊ី ជិនពីង និងលោក ពូទីន អួតពីទំនាក់ទំនងប្រទេសខ្លួនទាំង២ ទៅកាន់ពិភពលោក
ចន្លោះមិនឃើញ
ប្រធានាធិបតីចិន លោក ស៊ី ជិនពីង និងប្រធានាធិបតីរុស្ស៊ី លោក វ្លាឌីមៀ ពូទីន បានបង្ហាញពិភពលោកនូវទំនាក់ទំនងដ៏ស្អិតរមួត ហើយឡើងខ្ពស់ថែមទៀតរវាងប្រទេសទាំង២ ក្នុងអំឡុងទស្សនកិច្ចលោក ស៊ី ជិនពីង ទៅកាន់ក្រុងមូស្គូ សប្តាហ៍នេះ។
ក្នុងពិធីរំលឹកខួប ៧០ឆ្នាំនៃការបង្កើតទំនាក់ទំនងការទូតរវាងប្រទេសចិន និងរុស្ស៊ី កាលពីថ្ងៃទី៥ ខែមិថុនា ឆ្នាំ២០១៩ លោក ស៊ី ជិនពីង បានលើកឡើងថា ទំនាក់ទំនងរវាងប្រទេសទាំង២ កំពុងឈានចូលដល់យុគសម័យថ្មីមួយផ្អែកលើភាពជឿជាក់ និងគាំទ្រគ្នាទៅវិញទៅមក ដែលនឹងបម្រើដល់សន្តិភាពពិភពលោក ហើយថាទំនាក់ទំនងនេះ ក៏អាចធ្វើជាគំរូមួយសម្រាប់ប្រទេសដទៃទៀតផង។
ក្នុងរយៈពេល៧០ឆ្នាំមកនេះ មិត្តភាពរវាងប្រជាជនទាំងពីរ នៅតែរឹងមាំដូចជាថ្ម។ ចូលមកដល់យុគសម័យថ្មីមួយ ទំនាក់ទំនងចិន-រុស្ស៊ី ត្រូវការពង្រឹងផលប្រយោជន៍រួម មានន័យថា គឺពង្រីកគ្រប់ប្រភេទទាំងអស់នៃចំណងសេដ្ឋកិច្ចប្រទេសទាំង២។ នេះជាការលើកឡើងបន្ថែមរបស់ប្រធានាធិបតីចិន។
ចំណែកលោក ពូទីន បានសង្កត់ធ្ងន់ថា ទំនាក់ទំនងប្រទេសទាំង២ បានឈានដល់កម្រិតខ្ពស់ ដែលហួសពីការរំពឹងទុក។ «យើងនឹងមិនបញ្ឈប់នូវអ្វីដែលយើងសម្រេចបានឡើយ»។
លោកបានបង្ហាញពីទំនុកចិត្តក្នុងកិច្ចសហប្រតិបត្តិការរវាងរុស្ស៊ី និងចិន សម្រាប់ពិភពលោក ពោលគឺប្រទេសទាំង២ បានធ្វើការជាមួយគ្នាយ៉ាងជិតស្និទ្ធក្នុងឆាកពិភពលោក ដើម្បីស្ថិរភាព និងសន្តិសុខតំបន់ និងសកល។ «ប្រទេសយើង បានចូលរួមចំណែកយ៉ាងសំខាន់ក្នុងការដោះស្រាយបញ្ហាពិភពលោក»៕