អតីតប្រធានាធិបតី និងជាបិតាបច្ចេកវិទ្យាឥណ្ឌូណេស៊ី ទទួលមរណភាពហើយ
- 2019-09-12 01:45:43
- ចំនួនមតិ 0 | ចំនួនចែករំលែក 0
អតីតប្រធានាធិបតី និងជាបិតាបច្ចេកវិទ្យាឥណ្ឌូណេស៊ី ទទួលមរណភាពហើយ
ចន្លោះមិនឃើញ
អតីតប្រធានាធិបតីឥណ្ឌូណេស៊ី លោក Bacharuddin Jusuf Habibie បានទទួលមរណភាពហើយក្នុងអាយុ ៨៣ឆ្នាំ ដោយសារជំងឺបេះដូង នៅមន្ទីរពេទ្យយោធាមួយកន្លែងក្នុងក្រុងហ្សាកាតា កាលពីថ្ងៃទី១១ ខែកញ្ញា ឆ្នាំ២០១៩។
ក្នុងសេចក្តីថ្លែងការណ៍នេះ លោក វីដូដូ បានរៀបរាប់ថា៖ «យើងចាត់ទុកលោកសាស្រ្តាចារ្យ Habibie ជាអ្នកវិទ្យាសាស្រ្តមួយរូប ជាការពិតលោកក៏ជាបិតាបច្ចេកវិទ្យារបស់ប្រទេសឥណ្ឌូណេស៊ីផងដែរ។ លោកគឺជាប្រធានាធិបតីទី៣នៃសាធារណរដ្ឋឥណ្ឌូណេស៊ី»។
សូមរំលឹកថា លោក Habibie បានកាន់តំណែងជាប្រធានាធិបតីឥណ្ឌូណេស៊ី បន្តពីលោក ស៊ូហាតូ ចាប់ពីថ្ងៃទី២១ ខែឧសភា ឆ្នាំ១៩៩៨ ដល់ថ្ងៃទី២០ ខែតុលា ឆ្នាំ១៩៩៩។ លោកក៏ធ្លាប់ជារដ្ឋមន្រ្តីក្រសួងកិច្ចការស្រាវជ្រាវ និងបច្ចេកវិទ្យាឥណ្ឌូណេស៊ី ពីថ្ងៃទី២៩ ខែមីនា ឆ្នាំ១៩៧៨ ដល់ ថ្ងៃទី១៦ ខែមីនា ឆ្នាំ១៩៩៨ផងដែរ៕