ភរិយាអតីតនាយករដ្ឋមន្ត្រីជប៉ុន មានរឿងចងចាំមួយពីកម្ពុជាកាលពី ២០ឆ្នាំមុន
- 2020-01-16 07:06:47
- ចំនួនមតិ 0 | ចំនួនចែករំលែក 0
ភរិយាអតីតនាយករដ្ឋមន្ត្រីជប៉ុន មានរឿងចងចាំមួយពីកម្ពុជាកាលពី ២០ឆ្នាំមុន
ចន្លោះមិនឃើញ
លោកស្រី OBUCHI Chizuko ភរិយារបស់លោក Keizō Obuchi អតីតនាយករដ្ឋមន្ត្រីជប៉ុនបានមានប្រសាសន៍ថា លោកស្រីមានការចងចាំយ៉ាងរស់រវើកក្នុងដំណើរទស្សនកិច្ចនៅកម្ពុជាទៅកាន់មជ្ឍមណ្ឌលស៊ីម៉ាក់កាលពី២០ ឆ្នាំមុន ជាមួយនឹងស្វាមី ហើយក្នុងដំណើរទស្សនកិច្ចលើកនេះក៏បានទៅធ្វើទស្សនកិច្ចនៅមជ្ឈមណ្ឌលស៊ីម៉ាក់ផងដែរ។ ការថ្លែងបែបនេះ ធ្វើឡើងក្នុងជួបពិភាក្សាការងារជាមួយ សម្ដេច ហ៊ុន សែន នាយករដ្ឋមន្ត្រីកម្ពុជា នៅថ្ងៃទី១៦ ខែមករា ឆ្នាំ២០២០នេះ។
សម្ដេច ហ៊ុន សែន ក៏បានមានប្រសាសន៍អំពីអតីតកាល ដែលពេលនោះលោក Obuchi មកធ្វើទស្សនកិច្ចនៅប្រទេសកម្ពុជាក្នុងទស្សនកិច្ចនោះផងដែរ មានតែលោក Obuchi និងលោកស្រីទេ ដែលជាជនជាតិបរទេសធ្វើទស្សនកិច្ចទៅមើលសកម្មភាពដោះមីននៅមជ្ឈមណ្ឌលស៊ីម៉ាក់ ហើយមានតែលោក Obuchi ទេដែលបានយកចិត្តទុកដាក់យ៉ាងខ្លាំងបញ្ហាដោះមីននៅកម្ពុជានេ។
លើសពីនេះទៅទៀតសម្ដេច បានបញ្ជាក់ថាលោក Obuchi ជានាយករដ្ឋមន្ត្រីទី២ ក្នុងប្រវត្តិសាស្ត្រដែលធ្វើដំណើរមកកាន់ប្រទេសកម្ពុជា ហើយលោកបានមកកាន់ប្រទេសកម្ពុជាកាលពី២០ ឆ្នាំមុន៕