មើលមួយភ្លែតស្មានតែជាប្រាសាទបុរាណ តាមពិតជាស្នាដៃបង្កើតថ្មីដោយបុរសម្នាក់អស់រយៈពេល២០ឆ្នាំ

2020-03-05 01:05:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បើមិនបានដឹង មនុស្សមួយចំនួនច្បាស់យល់ច្រឡំថា នេះគឺជាប្រាសាទបុរាណមានដើមកំណើតរាប់រយឆ្នាំមកហើយ។ ប៉ុន្តែតាមការពិតជាក់ស្ដែង វាកើតឡើងចេញពីគំនិតច្នៃប្រឌិតថ្មីរបស់បុរសសញ្ជាតិចិនម្នាក់ឈ្មោះ Song Peilun។ ការកសាងប្រាសាទនេះឡើងប្រើអស់រយៈពេល ២ទសវត្ស ដែលមានទីតាំងស្ថិតនៅក្នុងខេត្ត Guizhou ប្រទេសចិន។

លោក Song បានបោះបង់ចោលនូវអាជីពជាគ្រូបង្រៀន កាលពីអំឡុងឆ្នាំ១៩៩៦ ហើយប្រើប្រាក់សន្សំទិញយកដីចំនួន ២០ហិចតានៅក្នុងភូមិ Huaxi ដើម្បីសម្រេចសេចក្ដីប្រាថ្នាធំបំផុតក្នុងជីវិត។ ស្ថាបនិកវ័យ៨០ឆ្នាំរូបនេះបានស្រាវជ្រាវអស់ជាច្រើនឆ្នាំទៅលើវប្បធម៌ជនជាតិភាគតិចនៅក្នុងខេត្ត Guizhou។ លោក Song ធ្លាប់បានទៅទស្សនាបូជនីយដ្ឋាន Crazy Horse នៅសហរដ្ឋអាមេរិក ហើយក៏ចាប់អារម្មណ៍យ៉ាងខ្លាំងពីភាពស្រដៀងគ្នារវាងវប្បធម៌នៃជនជាតិភាគតិចទាំង២។ ហេតុដូច្នេះហើយទើបក្ដីស្រមៃមួយនេះលេចឡើងនៅក្នុងខួរក្បាលរបស់លោករហូតទាល់តែចេញជារូបរាងពិតប្រាកដនៅក្នុងឆ្នាំ២០១៦។

ក្នុងដំណើរកសាងប្រាសាទនេះ លោក Song ក៏បានទទួលការគាំទ្រពីសំណាក់អ្នកភូមិផងដែរ ដោយក្នុងនោះរួមមានទាំងកម្លាំងពលកម្ម និងថវិកាជាដើម។ ក្រោយបញ្ចប់សំណង់ដ៏អស្ចារ្យនេះ អ្នកភូមិជាច្រើនក៏បានចូលមករស់នៅក្នុងប្រាសាទនេះ ដែលបង្កើតបានទៅជាសហគមន៍មួយដ៏ប្លែក និងគួរឲ្យចាប់អារម្មណ៍។ តាំងពីនោះមក កន្លែងដែលលោក Song ស្ថាបនាឡើងក៏ក្លាយជាតំបន់ទេសចរណ៍មួយផងដែរ៕