គម្រោងពង្រីកផ្លូវជាតិលេខ៥ ពីព្រែកក្តាម ទៅប៉ោយប៉ែត ប្រវែង ៣៦៦គ.ម ត្រូវការថវិកាប៉ុន្មាន?
- 2020-03-24 06:57:26
- ចំនួនមតិ 0 | ចំនួនចែករំលែក 0
គម្រោងពង្រីកផ្លូវជាតិលេខ៥ ពីព្រែកក្តាម ទៅប៉ោយប៉ែត ប្រវែង ៣៦៦គ.ម ត្រូវការថវិកាប៉ុន្មាន?
ចន្លោះមិនឃើញ
គម្រោងពង្រីកផ្លូវជាតិលេខ៥ ពីព្រែកក្តាម ទៅ ប៉ោយប៉ែត ដែលមានប្រវែងសរុបចំនួន ៣៦៦គីឡូម៉ែត្រ គឺត្រូវការឥណទានសម្បទានពីរដ្ឋាភិបាលជប៉ុនសរុបប្រមាណ ៨៤០លានដុល្លារអាមេរិក។ នេះបើតាមសេចក្តីប្រកាសព័ត៌មានរបស់ក្រសួងសេដ្ឋកិច្ច និងហរិញ្ញវត្ថុ ស្តីពីពិធីចុះហត្ថលេខាលើកិច្ចព្រមព្រៀងហិរញ្ញប្បទានសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលជប៉ុន នាថ្ងៃទី២៤ ខែមីនា ឆ្នាំ២០២០។
១. ភាគខាងជើង (ពីក្រុងបាត់ដំបង-ក្រុងសិរីសោភ័ណ) កំណាត់ផ្លូវមានប្រវែងសរុប ៨៤,៧៤គ.ម។ ក្នុងនោះ ផ្លូវមេមានប្រវែង ៥១,៤៨គ.ម និងផ្លូវវាងក្រុងបាត់ដំបង មានប្រវែង ២៣,៩២គ.ម និងផ្លូវវាងក្រុងសិរីសោភ័ណ មានប្រវែង ៩,៣៤គ.ម។
២. ភាគខាងត្បូង (ពីស្ពានព្រែកក្តាម-ធ្លាម្អម ខេត្តពោធិ៍សាត់) កំណាត់ផ្លូវមានប្រវែងសរុប ១៣៥,២៤ គ.ម។ ក្នុងនោះ ផ្លូវមេមានប្រវែង ១១៧,៩៧គ.ម និងផ្លូវវាង ២ខ្សែគឺ ផ្លូវវាងក្រុងឧត្តុង្គ មានប្រវែង ៥,២គ.ម និងផ្លូវវាងក្រុងកំពង់ឆ្នាំង មានប្រវែង ១២,០៧គ.ម។
៣. ភាគកណ្តាល (ពីធ្លាម្អម ខេត្តពោធិ៍សាត់-ក្រុងបាត់ដំបង និងពីក្រុងសិរីសោភ័ណ-ក្រុងប៉ោយប៉ែត) កំណាត់ផ្លូវមានប្រវែងសរុប ១៤៦,០៤ គ.ម ក្នុងនោះ ពីធ្លាម្អម ខេត្តពោធិ៍សាត់ ទៅក្រុងបាត់ដំបង មានប្រវែង ៩៩,២១គ.ម ជាផ្លូវ៤គន្លង, ផ្លូវវាងក្រុងពោធិ៍សាត់ ១១,៦៩គ.ម និងកំណាត់ផ្លូវពីក្រុងសិរីសោភ័ណ ទៅក្រុងប៉ោយប៉ែត មានប្រវែង ៣៥,១៤គ.ម៕