អាជ្ញាធរចុះត្រួតពិនិត្យទីតាំងលក់អាល់កុល និងម៉ាស់ជាង ១០០កន្លែងនៅខេត្តសៀមរាប
- 2020-03-25 00:25:09
- ចំនួនមតិ 0 | ចំនួនចែករំលែក 0
អាជ្ញាធរចុះត្រួតពិនិត្យទីតាំងលក់អាល់កុល និងម៉ាស់ជាង ១០០កន្លែងនៅខេត្តសៀមរាប
ចន្លោះមិនឃើញ
ស្នងការដ្ឋាននគរបាលខេត្តសៀមរាប បានចាត់កងកម្លាំងការិយាល័យនគរបាលប្រឆាំងបទល្មើសសេដ្ឋកិច្ច និងកំលាំងអធិការដ្ឋាននគរបាលស្រុកទូទាំង១១ ចុះធ្វើការផ្សព្វផ្សាយអប់រំណែនាំ ចាប់ពីថ្ងៃទី២០ ដល់ថ្ងៃទី២៤ ខែមីនា ឆ្នាំ២០២០ ដល់បណ្តាអាជីវករដែលបានលក់អាល់កុល និងម៉ាស់គ្រប់ប្រភេទនៅក្រុងសៀមរាប។
ជាមួយគ្នានេះ សមត្ថកិច្ចបានណែនាំឲ្យអាជីវករទាំងអស់ ត្រូវទិញអាល់កុលមានដាក់ស្លាកសញ្ញា បញ្ជាក់ពីប្រភពច្បាស់លាស់ មានឈ្មោះផលិតផល និងកម្រិតអាល់កុលគិតជាភាគរយនៃអេទីលអាល់កុលឲ្យបានត្រឹមត្រូវ ដោយមានវិក័យបត្រ ព្រមទាំងលក់ម៉ាស់កុំឆ្លៀតឱកាសលក់តម្លើងថ្លៃ។ ទន្ទឹមនឹងនេះ សមត្ថកិច្ចនឹងបន្តចុះផ្សព្វផ្សាយអប់រំណែដល់អាជីវករលក់អាល់កុល និងម៉ាស់ទាំងអស់ក្នុងភូមិសាស្រ្តខេត្តសៀមរាប ដើម្បីបង្ការកុំឲ្យប្រជាពលរដ្ឋយើងទិញចំផលិតផលក្លែងក្លាយ ដែលអាចហានិភ័យដល់ការីករាលដាលជំងឺកូវីដ១៩។
គណៈបញ្ជាការឯកភាពរដ្ឋបាលខេត្ត និងគណៈកម្មការដឹកនាំប្រយុទ្ធប្រឆាំងជំងឺកូវីដ ១៩ របស់រដ្ឋបាលខេត្តសៀមរាប ដែលមានលោក ទៀ សីហា ជាប្រធាននិងជាអភិបាលនៃគណៈអភិបាលខេត្ត បានណែនាំឱ្យមន្ត្រីជំនាញ និងអាជ្ញាធរគ្រប់លំដាប់ថ្នាក់ បន្តការយកចិត្តទុកដាក់ខ្ពស់ក្នុងការប្រយុទ្ធប្រឆាំងនឹងការបង្ការការរីករាលដាលជំងឺកូវីដ១៩៕