ទំនោរថ្មីយកម៉ាសធ្វើជាឈុតប៊ីគីនីស្លៀក ទទួលរងការរិះគន់យ៉ាងសម្បើម
- 2020-04-07 06:20:30
- ចំនួនមតិ 0 | ចំនួនចែករំលែក 0
ទំនោរថ្មីយកម៉ាសធ្វើជាឈុតប៊ីគីនីស្លៀក ទទួលរងការរិះគន់យ៉ាងសម្បើម
ចន្លោះមិនឃើញ
តារាម៉ូឌែលមួយចំនួននៅលើពិភពលោក បានចែកចាយរូបភាពរបស់ពួកគេស្លៀកពាក់នូវឈុតប៊ីគីនី ដែលកែច្នៃចេញពីម៉ាស។ ទំនោរថ្មីនេះ បានកើតឡើងនៅលើប្រព័ន្ធបណ្ដាញសង្គម Instagram ហើយវាត្រូវគេឲ្យឈ្មោះថា "Quarankinis" (បន្សំមកពីពាក្យ Quarantine បូកពាក្យ Bikinis)។
រឿងរ៉ាវគួរឲ្យហួសចិត្តនេះ បានបង្កជាមតិរិះគន់ជាខ្លាំងនៅលើបណ្ដាញសង្គម ស្របពេលដែលពិភពលោកកំពុងមានតម្រូវការម៉ាសយ៉ាងច្រើន ដើម្បីទប់ស្កាត់ជំងឺឆ្លង ហើយជាពិសេសនោះគឺសម្រាប់ការងារផ្នែកវេជ្ជសាស្ត្រដែលចាំបាច់ប្រើវាខានមិនបាន។ ពាក់ព័ន្ធនឹងរឿងយកម៉ាសធ្វើជាប៊ីគីនី គឺមានតារាម៉ូឌែលចំនួន ២រូប ក្នុងចំណោមតារាជាច្រើន ដែលត្រូវគេចាប់អារម្មណ៍ខ្លាំង។ អ្នកទាំង២នោះគឺតារាស្រីឈ្មោះ Yulia Ushakova ស្ថិតនៅក្នុងប្រទេសរុស្ស៊ី និងតារាស្រីនៅអូស្ត្រាលីឈ្មោះ Jade Marie។
មតិរិះគន់មួយចំនួនចំពោះតារាស្រីទាំង២មានដូចជា៖ "នេះគឺជារឿងកំប្លែងឆ្កួតបំផុតដែលខ្ញុំធ្លាប់បានឃើញ អំឡុងពេលស្ថានភាពដ៏អាក្រក់បច្ចុប្បន្ន", "ស្របពេលដែលម៉ាសទាំងនោះអាចជួយជីវិតមនុស្សបាន វាមិនមែនជារឿងកំប្លែងល្អបំផុតទេដែលអ្នកធ្វើដូច្នេះ" និង "ក្រុមការងារថែទាំអ្នកជំងឺមិនមានម៉ាសប្រើ ហើយមនុស្សដូចអ្នកឯងយកវាមកធ្វើជារឿងកំប្លែង ពិតជាគួរឲ្យខ្មាសអៀនណាស់"៕