ស្លាប់ ៣៤ នាក់ជាកម្មករសង់កីឡដ្ឋានត្រៀម World Cup 2022 នៅកាតា

2020-04-13 03:16:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យ៉ាងហោចណាស់ មានកម្មករ ចំនួន ៣៤ នាក់បានស្លាប់ អំឡុងពេលធ្វើការដើម្បីបញ្ចប់គម្រោងសាងសង់កីឡដ្ឋានដែលត្រៀម World Cup 2022 នៅក្នុងប្រទេស កាតា។ តួលេខនេះមិនមែនជាករណីឆ្លងវីរុសកូវីដ ១៩ នោះទេ។

កម្មករ / រូបថត៖ Tom Jenkins/The Guardian

តាមរបាយការណ៍ពី ក្រុមអង្កេតការរបស់អង្គការសិទ្ធមនុស្សពិភពលោក បានឲ្យដឹងថា កម្មករចំណាកស្រុកដែលមកស្នាក់នៅនោះ បានធ្វើការច្រើនជាង ៧៧ ម៉ោងក្នុងមួយសប្តាហ៍ ជាមួយនឹងប្រាក់ឈ្នួលមិនសមប្រកប មានខ្លះមិនទទួលបានប្រាក់ឈ្នួលផង។ យ៉ាងណាក្តី ប្រធានបទក្តៅនៃភាពមិនប្រក្រតីនៅ កាតា គេកំពុងតែសិក្សាបន្ត ខណៈដែលចំនួនអ្នកស្លាប់សារវីរុសមានតែ ៧ នាក់ប៉ុណ្ណោះនិងឆ្លងឡើងដល់ ២៩៧៩ នាក់ក្នុងប្រទេស។

ដោយឡែកប្រធាន FIFA លោក Gianni Infantino ក៏បានលើកឡើងក្នុងសន្និសិតសារព័ត៌មានមួយអំពី អនាគតនៃការប្រកួតបាល់ទាត់ អំឡុងពេលវាយលុកវីរុសកូវីដ ១៩ ក្នុងនោះលោកក៏បានរំលេចដែរថា អ្នកគ្រប់គ្នា គួរតែគិតគូរលើសុខភាព ជាជាងប្រាក់ចំណេញ ឬការលេងកីឡារ។

លោក ក៏បន្ថែមទៀតថា ខាង FIFA បានត្រៀមកញ្ចប់ថរិកាមួយចំណែករួចហើយដែរ ដើម្បីគ្រោងនឹងជួយដល់ បាល់ទាត់៕