ក្រសួងការងារ បង្ហាញចំនួនកម្មករដែលបានធ្វើចត្តាឡីស័ក និងសំណាកទៅពិសោធន៍

2020-04-21 08:19:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងថា គិតត្រឹមម៉ោង៦ល្ងាច ថ្ងៃទី២០ ខែមេសា ឆ្នាំ២០២០ មានកម្មកររោងចក្រមកត្រួតពិនិត្យសុខភាពចំនួន ១០១៨នាក់។ ក្នុងនោះដាក់ឱ្យធ្វើចត្តាឡីស័កនៅផ្ទះ ១៤ថ្ងៃ ចំនួន ៩៥៩នាក់, ដាក់ឱ្យស្នាក់នៅមណ្ឌលចត្តាឡីស័កកម្រិត ១ (វិទ្យាល័យជម្ពូវ័ន) ចំនួន ៣៨នាក់ និងយកសំណាកទៅពិសោធន៍បន្តចំនួន ១៨នាក់ និងដាក់ឱ្យស្នាក់នៅមណ្ឌលចត្តាឡីស័កកម្រិត២ (វិទ្យាល័យជម្ពូវ័ន) ចំនួន ២១នាក់។

ដោយឡែកលទ្ធផល នៅថ្ងៃទី២១ ខែមេសា ឆ្នាំ២០២០ គិតត្រឹមម៉ោង ១១ព្រឹក មានកម្មកររោងចក្រមកត្រួតពិនិត្យសុខភាពចំនួន ៤០៥នាក់។ ក្នុងនោះដាក់ឱ្យធ្វើចត្តាឡីស័កនៅផ្ទះ ១៤ថ្ងៃ ចំនួន ៣៧៦នាក់, ដាក់ឱ្យស្នាក់នៅមណ្ឌលចត្តាឡីស័កកម្រិត១ ចំនួន ៦នាក់ និងដាក់ឱ្យស្នាក់នៅមណ្ឌលចត្តាឡីស័កកម្រិត២ ចំនួន២៣នាក់។

សូមជម្រាបថា ក្រសួងការងារ សហការជាមួយក្រសួងសុខាភិបាល និងរដ្ឋបាលរាជធានីភ្នំពេញ និងក្រុមគ្រូពេទ្យស្ម័គ្រចិត្តសម្តេចតេជោ រួមទាំងមន្ទីរសុខាភិបាលរាជធានីភ្នំពេញ បានដាក់ដំណើរការមណ្ឌលត្រួតពិនិត្យសុខភាពចំនួន ១០មណ្ឌល និងមណ្ឌលចត្តាឡីស័កចំនួន ៣មណ្ឌល ដើម្បីពិនិត្យសុខភាពកម្មកររោងចក្រដែលបានឈប់សម្រាកអំឡុងពេលបុណ្យចូលឆ្នាំ និងទើបវិលត្រឡប់ចូលបម្រើការងារវិញ។ ការធ្វើបែបនេះ គឺក្នុងគោលបំណងការពារសុខភាពកម្មកររោងចក្រជាង ៩៥% ដែលបានមកធ្វើការងារជាធម្មតាក្នុងអំឡុងពេលបុណ្យចូលឆ្នាំផង ក៏ដូចជាការពារសុខភាពកម្មកររោងចក្រ ដែលបានឈប់សម្រាកអំឡុងពេលបុណ្យចូលឆ្នាំផង៕